خاتون تماشائی کا محمد رضوان کو نگران وزیر اعظم بنانے کا مطالبہ

لاہور (قدرت روزنامہ) پاکستان اور آسٹریلیا کے درمیان گزشتہ روز کھیلے گئے واحد ٹی ٹونٹی میچ کے دوران ایک تماشائی نے محمد رضوان کو ملک کا نگران وزیر اعظم بنانے کا مطالبہ کردیا . سماجی رابطے کی سائٹ ٹوئٹر پر خاتون صارف کی جانب سے پلے کارڈ کی تصویر شیئر کی گئی جس میں لکھا تھا کہ ’رضوان کو نگران وزیر اعظم بنایا جائے‘ .

خاتون صارف نے پلے کارڈ کی تصویر شیئر کرتے ہوئے اپنے ٹوئٹ میں یہ بھی لکھا کہ رضوان ہمارا بہترین خیال رکھ سکیں گے‘ .
خیال رہے کہ صدر عارف علوی کی جانب سے اسمبلیاں تحلیل کیے جانے کے بعد رواں دنوں وطن عزیز میں نگران وزیر اعظم کے نام کے حوالے سے بحث جاری ہے اور وزیر اعظم عمران خان کی جانب سے سابق چیف جسٹس گلزار احمد خان کا نام بطور نگران وزیراعظم دے دیا گیا ہے .