قومی اسمبلی کا اجلاس، اپوزیشن نشستوں پر نوٹوں کے ہار رکھ دیے گئے
(قدرت روزنامہ)قومی اسمبلی کے آج ہونے والے اجلاس میں اپوزیشن اراکین کی نشستوں پر نوٹوں کے ہار رکھے گئے ہیں .
سینیٹ الیکشن میں حکومتی امیدوار حفیظ شیخ کی شکست کے بعد اپوزیشن کی جانب سے کہا جا رہا تھا کہ وزیراعظم ایوان کا اعتماد کھو چکے ہیں لہذا وزیراعظم عمران خان نے ایوان سے اعتماد کا ووٹ حاصل کرنے کا فیصلہ کیا .
آج صدر مملکت ڈاکٹر علوی کی تجویز پر اسپیکر قومی اسمبلی اسد قیصر کی زیر صدارت قومی اسمبلی کا اجلاس ہو رہا ہے تاہم حکومت مخالف اپوزیشن اتحاد پاکستان ڈیموکریٹک موومنٹ (پی ڈی ایم) نے اجلاس کے بائیکاٹ کا اعلان کر رکھا ہے . وزیراعظم عمران خان سمیت پاکستان تحریک انصاف اور اتحادی جماعتوں کے اراکین وزیراعظم کو اعتماد کا ووٹ دینے کے لیے ایوان پہنچ چکے ہیں اور قومی اسمبلی کا باقاعدہ اجلاس شروع ہو چکا ہے . قومی اسمبلی کے آج ہونے والے اجلاس میں اپوزیشن اراکین کی نشستوں پر نوٹوں کے ہار رکھے گئے ہیں، اس کے علاوہ حکومتی اراکین ’نوٹ کو عزت دو‘ کے پلے کارڈ بھی اپنے ہمراہ ایوان میں لائے ہیں . . .
