اسلام آباد (قدرت روزنامہ)پی ٹی آئی کی پارلیمانی پارٹی کے اجلاس میں مستعفی ہونے کا فیصلہ کر لیا گیا۔ پارٹی سربراہ عمران خان کی زیر صدارت پی ٹی آئی کی پارلیمانی پارٹی کا اجلاس ہوا جس میں اسمبلی کے اندر اور باہر کی سیاست پر مشاورت کی گئی۔عمران خان نے تمام ارکان سے اسمبلی سے مستعفی ہونے کے حوالے سے رائے طلب کی۔
جس کے بعد پی ٹی آئی نے اسمبلیوں سے استعفے دینے کا فیصلہ کیا ہے۔عمران خان کا کہنا ہے کہ میں ان چوروں کے ساتھ اسمبلی میں نہیں بیٹھوں گا۔عمران خان نے اپنی نشست پر کھڑے ہو کر اعلان کیا کوئی اور استعفی دے یا نا، اکیلا بھی رہ گیا تو استعفی دوں گا، میرا اصولی موقف ہے پیچھے نہیں ہٹوں گا۔مراد سعید نے اپنا استعفیٰ اسپیکر قومی اسمبلی کو بھجوا دیا۔
سابق وفاقی وزیر فواد چوہدری کا کہنا ہے کہ پی ٹی آئی نے وزیراعظم کے انتخاب کے بائیکاٹ کا فیصلہ کیا ہے۔انہوں نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ پاکستان تحریک انصاف کی پارلیمانی کمیٹی نے قومی اسمبلی سے مستعفیٰ ہونے کا فیصلہ کیا ہے، آج تمام اراکین اسمبلی اپنا استعفیٰ اسپیکر کو دے رہے ہیں اس کے ساتھ ہم نے غیر ملکی ایجنڈے پر ہونیوالے مقصود چپڑاسی کے نام نہاد انتخاب کا بھی حصہ بننے سے انکار کر دیا ہے۔
فواد چوہدری نے کہا کہ ہم آزادی کیلئے لڑیں گے۔
پاکستان تحریک انصاف نے اسمبلیوں سے مستعفی ہونے کا اختیار عمران خان کو دیا تھا،ارٹی کے اراکین نے استعفوں کے معاملے پر پارٹی کو تعاون کی یقین دہانی کرادی تاہم کچھ اراکین وزیراعظم کے انتخاب کے بعد مستعفی ہونے کے حامی ہیں ، فواد چودھری، حماد اظہر، شیخ رشید، علی اعوان مستعفی ہونے کی حمایت کرنے والوں میں شامل ہیں جب کہ شاہ محمود قریشی، فیصل جاوید، فخر امام سمیت اکثریتی ارکان مستعفی ہونے کے خلاف ہیں ، تحریک انصاف کے ارکان کے درمیان ہونے والی بحث کے بعد اسمبلیوں سے مستعفی ہونے کا اختیار عمران خان کو دے دیا گیا۔
لاہور( قدرت روزنامہ )وزیر اطلاعات پنجاب عظمٰی بخاری نے کہا ہے کہ نجی کالج واقعہ…
کراچی(قدرت روزنامہ)پاکستان پیپلزپارٹی کے چیئرمین بلاول بھٹو زرداری نے اپنے ٹویٹر پیغام میں کہا ہے…
لاہور (قدرت روزنامہ)پاکستان مسلم لیگ (ن) کے صدر نواز شریف اور وزیراعلیٰ پنجاب مریم نواز…
اسلام آباد (قدرت روزنامہ) پاکستان تحریک انصاف نے ڈی چوک میں احتجاج مؤخر کرنے کا…
اسلام آباد (قدرت روزنامہ)حکومت نے کل کا احتجاج مؤخر کرنے کیلئے تحریک انصاف کی شرط…
راولپنڈی(قدرت روزنامہ) چین کے وزیراعظم لی چیانگ کی پاکستان کی عسکری قیادت سے اہم ملاقات…