اسلام آباد(قدرت روزنامہ)پاکستان تحریک انصاف(پی ٹی آئی) کے رہنما شہباز گل کا کہنا ہے کہ عمران خان کسی بھی صورت میں فوج کے خلاف نہیں بولیں گے .
نجی ٹی وی اے آر وائی نیوز کے پروگرام میں گفتگو کرتے ہوئے شہبازگل کا کہنا تھا کہ کوئی بھی سیٹھ 10 ارب لگا کر حکومت تبدیل کروا سکتا ہے .
ایسے تو بھارت بھی 10ارب لگا کر ہماری حکومت تبدیل کر سکتا ہے . کرپشن میں لتھڑا ہوا شخص وزیراعظم بن گیا ہے . کوشش ہے جتنی جلدی ہو سکے الیکشن کی طرف جائیں . ان کا کہنا تھا کہ عمران خان کسی بھی صورت میں فوج کے خلاف نہیں بولیں گے . فوج ایک طاقت ور ادارہ ہے . ہماری پارٹی کوئی بھی ایسا کام نہیں کرے گی جس سےہماری فوج بدنام ہو . ماضی میں ان لوگوں نے فوج اور عدلیہ کو گالیاں دیں جو کہ غلط بات ہے ہم ایسا نہیں کریں گے .
. .