بولٹ اور سوفی ڈیوائن نیوزی لینڈ کرکٹ ایوارڈز میں انٹرنیشنل پلیئر آف دی ایئر قرار

(قدرت روزنامہ)نیوزی لینڈ کے فاسٹ بولر ٹرینٹ بولٹ اور ویمن ٹیم کی کپتان سوفی ڈیوائن نے نیوزی لینڈ کرکٹ ایوارڈز میں ٹی ٹوئنٹی فارمیٹ میں شاندار کارکردگی کے لیے ٹی ٹوئنٹی انٹرنیشنل پلیئر آف دی ایئر جیتا۔

تفصیلات کے مطابق بولٹ کا متحدہ عرب امارات میں زبردست ٹی ٹوئنٹی ورلڈ کپ تھا کیونکہ نیوزی لینڈ نے مارکی ایونٹ کے فائنل میں جگہ بنائی تھی۔
انہوں نے میگا ایونٹ میں 13 وکٹیں حاصل کیں اور اپنی ٹیم کو انتہائی اہم فائنل تک پہنچانے میں اہم کردار ادا کیا۔
ٹی ٹوئنٹی پلیئر آف دی ایئر کے لیے دیگر نامزد افراد ٹم ساؤتھی، ڈیون کونوے، ڈیرل مچل اور ایش سودھی تھے جو بلیک کیپس کے لیے نمایاں کارکردگی کا مظاہرہ کر رہے ہیں۔
بولٹ نے کہا کہ ٹی ٹوئنٹی ایک ایسا فارمیٹ ہے جس سے میں واقعی لطف اندوز ہوتا ہوں اور ایک بہتر بولر بننے کے لیے میں مسلسل اپنے کھیل کو ڈھالنے کی کوشش کر رہا ہوں۔
بولٹ نے کہا کہ یہ ایوارڈ جیتنا بہت خاص بات ہے اور میں اسے حاصل کرنے پر بہت شکر گزار ہوں۔
ڈیوائن کو دوسری بار یہ اعزاز حاصل ہوا کیونکہ انہوں نے ہوو میں انگلینڈ کے خلاف 50 کے سب سے زیادہ اسکور کے ساتھ 29.50 کی اوسط اور 13.46 کی اوسط کو برقرار رکھتے ہوئے چار اننگز میں 118 رنز بنائے۔
اس کے علاوہ، میلی کیر اور مائیکل بریسویل کو ویلنگٹن میں ان کی بہادری کے بعد سال کے بہترین سپرا سمیش پلیئرز سے نوازا گیا۔