سعودی عرب اور کویت میں پلک جھپکتے رات میں دن کا سماں ہو گیا

ریاض (قدرت روزنامہ) سعودی عرب اور کویت میں نصف شب کے قریب اس وقت دن کا منظر پیدا ہو گیا جب ایک چمک دار ستارہ آسمان سے ٹوٹ کر زمین کی طرف آ گیا۔ اس منظر کی وڈیو میں نظر آنے والے جرم سماوی کی رفتار 29 کلو میٹر فی سیکنڈ تھی۔میڈیارپورٹس کے مطابق عینی شاہدین نے بتایاکہ یہ ٹوٹا ستارہ سعودی عرب کے شمال مشرقی شہر حفر الباطن کی فضا میں دیکھنے میں آیا۔
اسی طرح یہ کویت ستارے کو کویت کے جنوب مشرقی حصے میں رہنے والے لوگوں نے بھی اپنی آنکھ سے دیکھا۔

ستارے کا رنگ نیلے کی طرف مائل تھا اور یہ زمین پر پہنچنے سے پہلے ہی فضا میں جل گیا۔اس سلسلے میں سامنے آنے والی وڈیو میں یہ ٹوٹا ستارہ 3 سیکنڈ کے لیے دکھائی دیا۔ تاہم عینی شاہدین کا کہنا تھا کہ اس کے سقوط کا دورانیہ وڈیو میں دیکھے جانے والے دورانیے سے 3 گنا زیادہ تھا۔

جدہ میں فلکیاتی سوسائٹی نے فیس بک پر بتایا کہ اس ٹوٹے ستارے کے سبب سعودی عرب کے مختلف حصوں میں رات کے وقت آسمان روشن ہو گیا۔مذکورہ ستارہ زمین کے بیرونی فضائی غلاف میں 40 ہزار کلومیٹر سے 2.57 لاکھ کلو میٹر فی گھنٹہ کی رفتار سے داخل ہوا۔ بعد ازاں یہ ہوا کی مزاحمت کے سبب سست پڑ گیا۔ اس مزاحمت کے نتیجے میں بڑی مقدار میں حرارت پیدا ہوتی ہے۔