نئی دہلی (قدرت روزنامہ)انڈین پریمیئر لیگ (آئی پی ایل) کے رواں سیزن میں شائقین کی دلچسپی ختم ہوتی دکھائی دے رہی ہے کیونکہ ناظرین کی تعداد میں کمی آئی ہے۔ اطلاعات کے مطابق آئی پی ایل 2022ء کے پہلے ہفتے کے لیے ٹی وی کی درجہ بندی گزشتہ سال کے مقابلے میں 33 فیصد کم ہے۔ انڈین پریمیئر لیگ بڑے پیمانے پر ناظرین کے ساتھ مبینہ طور پر دنیا کی سب سے بڑی ٹی ٹونٹی لیگ ہے۔
لیگ کے ساتھ شائقین کے جنون نے اسے کئی سالوں میں معاشی طور پر کرکٹ کا سب سے بڑا برانڈ بنا دیا ہے۔ زیادہ منافع کے مارجن نے بدلے میں آئی پی ایل کو کرکٹ کے بڑے ناموں اور اس سے بھی زیادہ ہائپ کو راغب کرنے میں مدد کی ہے تاہم اس سال کا آغاز آئی پی ایل کے لیے اتنا اچھا نہیں رہا جیسا کہ اس کی توقع تھی۔
سٹارز سے بھری 10 ٹیمیں ٹرافی کے لیے مدمقابل تھیں اور کرکٹ کے شائقین کی جانب سے ردعمل کی توقع کی جا رہی تھی کہ وہ نئی بلندیوں تک پہنچیں گے لیکن اب تک ایسا نہیں ہو سکا۔
بہت سے لوگوں نے لیگ کے طویل عرصے تک جاری رکھنے کو دلچسپی میں کمی کی وجہ قرار دیا ہے۔ اس سال دس ٹیموں کے درمیان فائنل راؤنڈ کے علاوہ 70 آئی پی ایل میچز شیڈول ہیں۔ اب تک 15 میچ کھیلے جا چکے ہیں۔ آئی پی ایل 26 مارچ کو شروع ہوئی تھی اور 29 مئی تک کھیلی جائے گی۔
ممبئی(قدرت روزنامہ) بالی وڈ کی مشہور اداکارہ عالیہ بھٹ نے پہلی بار اپنے ADHD یعنی…
ملتان(قدرت روزنامہ) شجاع آباد کے علاقے میں زہریلا پانی پینے سے 30 سے زائد مویشی…
ممبئی(قدرت روزنامہ)بھارت کی شوخ و چنچل فلم اسٹار کاجول نے اپنی نئی فلم کے ٹریلر…
لاہور(قدرت روزنامہ) معروف عالم دین ڈاکٹر ذاکر نائیک نے کہا ہے کہ انہیں پاکستانی عوام…
پشاور(قدرت روزنامہ) پاکستان تحریک انصاف کے رکن اسمبلی نے آئینی ترامیم کے لیے 40 کروڑ…
کراچی(قدرت روزنامہ) مجوزہ آئینی ترامیم کے خلاف ملک بھر کے وکلا ایک پلیٹ فارم پر…