مبینہ زیادتی اور تشدد کا نشانہ بننے والی پانچ سالہ بچی دم توڑ گئی

حیدرآباد (قدرت روزنامہ) حیدرآباد میں مبینہ زیادتی اور تشدد کا نشانہ بننے والی پانچ سالہ بچی دم توڑ گئی۔میڈیا رپورٹ کے مطابق کمسن بچی سے مبینہ زیادتی کی گئی اور تشدد بھی کیا گیا۔کمسن بچی علاج کے دوران اسپتال میں دم توڑ گئی۔پولیس حکام کا کہنا ہے کہ بچی کے ساتھ زیادتی کے شواہد ملے تو قانون کے مطابق کاروائی عمل میں لائی جائے گی۔
دوسری جانب کراچی کے علاقے اسٹیل ٹاون میں 7 سالہ بچے کو زیادتی کے بعد سفاکانہ طریقے سے قتل کرنے والا درندہ صفت ملزم گرفتار کر لیا گیاہے۔ایس ایس پی ملیر کے مطابق ملزم ارشد نے دو روز قبل 7 سالہ معصوم بچے علی کو گھر سے بہلا پھسلا کر اغوا کیا اور زیادتی کے بعد قتل کر دیا۔ واردات کے بعد ملزم نے بچے کی لاش علاقے سے کچھ دور سورما گوٹھ کی جھاڑیوں میں پھینک دی، بچے کے اچانک لاپتہ ہونے سے اہلخانہ سخت پریشان ہو گئے اور بچے کو دن بھر تلاش کرتے رہے۔

شام کو علاقہ مکینوں کی جانب سے پولیس کو بچے کی لاش ملنے کی اطلاع دی گئی، پولیس نے اہل خانہ کو مطلع کیا تو انہوں سات سالہ علی عباس کو شناخت کرلیا۔ پولیس نے مقدمہ درج کر کے ملزم کی گرفتاری کے لئے خصوصی ٹیم تشکیل دی۔ ایس ایس پی ملیر کے مطابق پولیس نے ٹیکنیکل شواہد کی روشنی میں دو دن میں ملزم کو گرفتار کرلیا، ملزم سے مزید تفتیش کی جارہی ہے۔
واضح رہے بچوں کے حقوق اور جنسی تشدد کے واقعات کی روک تھام کے لئے 2019 میں پیش کردہ زینب الرٹ بل تاحال التوا کا شکار ہے۔واضح رہے کہ سنہ 2019 میں وزارت انسانی حقوق کی جانب سے پیش کیے جانے والے مسودے کے مطابق بچوں کے خلاف جرائم کے واقعات کی روک تھام کے لیے اور ایسے کسیز پر جلد از جلد کارروائی اور مجرم کی سزا کے حوالے سے نکات شامل کیے گئے۔
مسودے کے مطابق پولیس کو اس بات کا پابند کیا گیا کہ کسی بچے کی گمشدگی یا اغوا کے واقعے کی رپورٹ درج ہونے کے دو گھنٹے کے اندر اس پر کارروائی عمل میں لائی جائے گی جبکہ بل میں یہ بھی کہا گیا کہ اگر کوئی پولیس افسر قانون کے مطابق اس پر عمل درآمد نہیں کرتا تو اس کا یہ اقدام قابلِ سزا جرم تصور ہو گا۔ ماہرین کے مطابق اس قانون کا چاروں صوبوں میں اطلاق اور اس پر عمل درآمد سے ایسے افسوسناک واقعات میں کمی آئے گی۔

Recent Posts

ٹک ٹاکرز کے وارے نیارے، صارفین کا پسندیدہ فیچر کب آرہا ہے؟

اسلام آباد (قدرت روزنامہ)ٹک ٹاک نے اپنے صارفین کے لیے ایک ایسے فیچر کو لانے…

4 mins ago

محسن نقوی کا دورہِ قذافی اسٹیڈیم، چیمپیئنز ٹرافی سے متعلق کیا کہا؟

اسلام آباد (قدرت روزنامہ)چیئرمین پاکستان کرکٹ بورڈ (پی سی بی) محسن نقوی نے قذافی اسٹیڈیم…

16 mins ago

سعودی قومی ترانے کے خالق، ابراہیم عبدالرحمٰن حسین خفاجی کون تھے؟

اسلام آباد (قدرت روزنامہ)سعودی قومی ترانہ سعودی عرب کی شان وشوکت اور فخر کی ایک…

35 mins ago

سعودی فلم فورم کا دوسرا ایڈیشن اکتوبر میں منعقد ہوگا

اسلام آباد (قدرت روزنامہ)سعودی فلم اتھارٹی اکتوبر 2024 میں (سعودی فلم فورم) کے دوسرے ایڈیشن…

45 mins ago

نیب نےپشاور بی آر ٹی انکوائری میں 168.5 ارب نکلوا لئے

پشاور (قدرت روزنامہ)نیب نے اپنی 25 سالہ تاریخ کی سب سے بڑی ریکوری کرلی ہے،…

7 hours ago

مسجد الحرام میں تصاویر اتارنے سے متعلق نیا ہدایت نامہ جاری

ریاض (قدرت روزنامہ) سعودی وزارت حج و عمرہ نے مسجد الحرام میں تصاویرکھینچنےسے متعلق نئی…

7 hours ago