عالیہ بھٹ نے اپنی شادی پر صدیوں پرانی روایت توڑدی

ممبئی (قدرت روزنامہ)فیشن کے معاملے میں ہر دن کے ساتھ اپ ٹو ڈیٹ رہنے والی بھارتی اداکارہ عالیہ بھٹ نے شادی پر دْلہن میک اپ کرنے کی روایت توڑ دی ہے۔29 سالہ عالیہ بھٹ فیشن کے معاملے میں نوجوان نسل کی آئیڈیل اداکارہ ہیں اور شوبز انڈسٹری میں آئیکون کی سی حیثیت رکھتی ہیں مگر اس چلبلی، موڈی اداکارہ نے اپنی شادی پر صدیوں سے چلتی آ رہی ایک رسم توڑ کر بہت سی لڑکیوں کے لیے آسانیاں پیدا کر دی ہیں۔اداکارہ عالیہ بھٹ نے گزشتہ روز اداکار رنبیر کپور کے ساتھ نئی زندگی کے سفر کا آغاز کیا ہے،

اس دوران جہاں انہوں نے ہر چیز ایک سے بڑھ کر ایک پہنی ہوئی تھی اور سولہ سنگھار کیا ہوا تھا وہیں دْلہنوں کو کیے جانے والے بھاری بھرکم میک کو نظر انداز کر کے نئی روایت قائم کی ہے۔عالیہ بھٹ ایک خوبصورت دْلہن بنی تھیں مگر اْن کے چہرے پر میک اپ نام کی کوئی چیز نظر نہیں آ رہی ہے۔ہاں البتہ انہوں نے شادی کے دوران اپنے چہرے پر خوبصورت مسکراہٹ تو کبھی ہنسی سجائے رکھی جسے سوشل میڈیا پر وائرل ہوتی تصویروں میں خوب پسند کیا اور سراہا جا رہا ہے۔عالیہ بھٹ کے ’نو میک اپ لْک برائیڈ‘ کے چرچے بھارتی میڈیا پر خوب ہو رہے ہیں، عالیہ بھٹ کے بغیر میک اپ کے دْلہن بننے پر مداح بھی تعریفیں کر رہے ہیں۔دوسری جانببالی ووڈ کے لیجنڈری اداکار رشی کپور کی اہلیہ و اداکار نیتو کپور نے میڈیا سے گفتگو کرتے ہوئے انکشاف کیا کہ رنبیر کپور اور عالیہ بھٹ کا استقبالیہ نہیں ہوگا۔ رنبیر کپور اور عالیہ بھٹ شادی کے بندھن میں بندھ گئے ہیں اور ان کی شادی کی تصاویر نے انٹرنیٹ پر دھوم مچا دی ہے اور مداح اْن کی سادہ شادی کی خوب تعریف کررہے ہیں۔شادی کی تقریب کے بعد رنبیر کپور کی والدہ نیتو کپور اور بہن ردھیما کپور نے میڈیا سے گفتگو کی اور اس جوڑی کے استقبالیہ کے حوالے سے اہم انکشاف کیا۔نیتو کپور نے میڈیا سے بات چیت کے دوران انکشاف کیا کہ کوئی استقبالیہ نہیں ہوگا۔اْنہوں نے میڈیا کا شکریہ ادا کرتے ہوئے کہا کہ اب شادی ختم ہوگئی ہے، اب مزید کوئی تقریب نہیں ہوگی تو اب سب آرام سے سو سکتے ہیں۔نیتو کپور نے میڈیا کے نمائندوں سے مخاطب ہوتے ہوئے کہا کہ اب آپ سب بھی سکون سے سو سکتے ہیں۔اس سے قبل بھارتی میڈیا نے اطلاع دی تھی کہ عالیہ بھٹ اور رنبیر کپور کی شادی کا استقبالیہ 16 اپریل اور 17 اپریل کو ہوگا۔