مجھے تحریک انصاف میں لانے والے جہانگیرترین ہیں اور میں۔۔۔۔ فردوس عاشق اعوان نے بڑا بیان دیدیا

لاہور(قدرت روزنامہ) پاکستان تحریک انصاف کی رہنما ڈاکٹرفردوس عاشق اعوان نے کہا ہے کہ پارٹی قیادت کی جانب سے مجھے پنجاب میں مختلف سیاسی جماعتوں خصوصاً مسلم لیگ کی خواتین ترجمانوں اور مریم نواز کے بیانیے کو ناکام بنانے کا ٹاسک دیا گیا تھا جسے میں نے بخوبی نبھایا،مجھے تحریک انصاف میں لانے والے جہانگیرترین ہیں اور میں اس بات کے حق میں نہیں ہوں کہ حکومت کے لیے کوئی مشکل کھڑی ہو لہٰذاجب سے یہ گروپ بنا ہے میری کوشش ہے کہ میں مفاہمت کی بات کروں . ایک انٹر ویو میں انہوں نے کہا کہ پارٹی میں صرف عمران خان کا بیانیہ چلے گا پارٹی کے اندر پارٹی بنانے کی گنجائش نہیں ہے .

انہوں نے کہا کہ کچھ لوگ جہانگیر ترین کے کندھے پر بندوق رکھ کر غیر مطالبات منوانا چاہتے تھے لیکن عمران خان کو کوئی بلیک میل نہیں کرسکتا . دوسری جانب صوبائی وزیر جیل خانہ جات فیاض الحسن چوہان نے کہا ہے کہ عمران خان کے پاس جو کچھ ہے اس کے پیچھے ان کی جدوجہد ہے لیکن اگر حکومت کا کریڈٹ جہانگیرترین کو دیا جائے گا تو پھر ہمیں جواب بھی دینا پڑے گا،جہانگیرترین گروپ کے اندر دو تین افراد ہیں جو جہانگیرترین کو بڑھاچڑھا کر پیش کرتے ہیں تاہم باقی لوگوں کا رویہ مناسب ہے . نجی ٹی وی سے گفتگو کرتے ہوئے انہوں نے کہا کہ جہانگیر ترین گروپ کے اکثریتی ارکان تحریک انصاف کے بیانیے اور عمران خان کے وژن سے اتفاق کرتے ہیں ،صرف ایک راجہ ریاض ہیں جو اٹھتے بیٹھتے یہی باتیں کررہے ہیں،راجہ ریاض اسمبلی رکنیت سے استعفیٰ دے کر آزاد حیثیت میں الیکشن لڑلیں تو انہیں اپنی سیاسی حیثیت کا اندازہ ہوجائے . انہوں نے کہا کہ عون چوہدری کی سیاسی جدوجہد کو دیکھ کر انہیں موجودہ منصب دینا عمران خان کا ان پر احسان عظیم ہے ،ہم تو 45 سال سیاسی جدوجہد کے بعد یہاں تک پہنچے ہیں . . .