مدینہ منورہ (قدرت روزنامہ) وفاقی وزیر برائے اینٹی نارکوٹکس شاہ زین بگتی نے کہا ہے کہ ریاست مدینہ کی مثالیں دینے والوں نے حقیقی مدینہ کی بے حرمتی کی ہے۔میڈیا سے گفتگو میں انہوں نے کہا کہ گزشتہ روز افطار کے وقت مسجد نبوی میں بدتمیزی کرنے والے پی ٹی آئی ورکروں کو نبی مکرم صل اللہ علیہ وآلہ وسلم کے صدقے کھلے دل سے معاف کرتا ہوں۔
وفاقی وزیر نے کہا کہ مسجد نبوی کی توہین اللّٰہ تعالیٰ اور ان کے حبیب کا معاملہ ہے، بیشک اللّٰہ تعالیٰ بہترین فیصلہ کرنے والا ہے۔شاہ زین بگتی نے کہا کہ عمران خان قوم کو غلط راستے پر لے جارہے ہیں، جس کا نتیجہ ملک و قوم کے لیے خطرناک ہوسکتا ہے۔اس موقع پر وفاقی وزیر چیئرمین سی پیک اتھارٹی چوہدری سالک حسین، مسلم لیگ ن جاپان کے سینئر نائب صدر ملک یونس، یوتھ ونگ مدینہ کے صدر ابو بکر چیمہ، معروف کاروباری خاصیت خالد چیمہ، رانا شوکت، سینئر صحافی طارق عزیز بھی موجود تھے۔
شاہ زین بگتی نے وفد سے گفتگو کرتے ہوئے کہا کہ پی ٹی آئی کے کارکنوں کی حرکت کا پاکستان بھر میں رد عمل آ سکتا تھا، جس کا پاکستان کسی صورت متحمل نہیں ہو سکتا۔انہوں نے کہا کہ شر پسند عناصر اقتدار چھن جانے کے بعد حواس باختہ ہو چکے ہیں اور وہ اقتدار کی ہوس میں پاکستان کی سلامتی کے خلاف سازشیں کر رہے ہیں۔اس موقع پر وفاقی وزیر چیئرمین سی پیک اتھارٹی چوہدری سالک حسین اور مسلم لیگ ن جاپان کے سینئر نائب صدر ملک محمد یونس نے مسجد نبوی کی توہین کرنے والے افراد کے اقدام کی شدید الفاظ میں مذمت کی۔
راولپنڈی(قدرت روزنامہ)عدالتی بیلف نے تھانہ سول لائن میں چھاپہ مار کر غیرقانونی حراست میں رکھے…
اسلام آباد(قدرت روزنامہ) وفاقی وزیر خزانہ محمد اورنگزیب نے کہا ہے کہ آئی ایم ایف…
اسلام آباد(قدرت روزنامہ)وزیراعظم شہباز شریف نے معروف اسکالر ڈاکٹر ذاکر نائیک کو پاکستان آمد پر…
اسلام آباد(قدرت روزنامہ) وفاقی حکومت نے رائٹ سائزنگ پلان کے تحت ڈیلی ویجز ملازمین فارغ…
تل ابیب(قدرت روزنامہ) اسرائیل نے ایرانی حملے کی مذمت نہ کرنے کا الزام عائد کرکے…
لاہور(قدرت روزنامہ) مسلم لیگ (ن) کے صدر میاں نواز شریف نے کہا ہے کہ میرے…