کوئٹہ میں کسٹم انٹیلی جنس کے دفتر میں دھماکا

کوئٹہ (قدرت روزنامہ) کوئٹہ میں کسٹم انٹیلی جنس کے دفتر میں دھماکا، عمارت میں آگ لگ گئی، سکیورٹی فورسز نے جائے وقوعہ پہنچ کر بم ڈسپوزل اسکواڈ طلب کرلیا۔ تفصیلات کے مطابق کوئٹہ میں ائیرپورٹ روڈ پرکسٹم انٹیلی جنس کے دفتر میں دھماکا ہوا ہے۔ دھماکے میں ایک شخص زخمی ہوا ہے جسے طبی امداد کے لیے قریبی اسپتال منتقل کردیا گیا ہے، دھماکے کے بعد عمارت میں آگ لگ گئی۔

پولیس کا کہنا ہےکہ دھماکےکی نوعیت معلوم کی جارہی ہے، دھماکے کے بعد سکیورٹی فورسز بھی جائے وقوعہ پہنچ گئی ہیں اور بم ڈسپوزل اسکواڈ کو بھی طلب کرلیا گیا ہے۔ کسٹم آفس کے سکیورٹی گارڈ نے پولیس کو بیان دیا ہےکہ 3 مسلح افراد دفتر میں داخل ہوئے جنہوں نے عملے کو یرغمال بنایا، مسلح افراد نے عملے کے ہاتھ بندھ دیے اور سنگین نتائج کی دھمکیاں دیں، مسلح افراد کے نکلتے ہی کسٹم کے دفتر میں دھماکا ہوگیا۔