پی پی رہنما قادر مندوخیل کی حکومت پر تنقید

اسلام آباد(قدرت روزنامہ) پیپلزپارٹی کے رکن اسمبلی قادر مندوخیل نے اپنی حکومت پر ہی تنقید کرتے ہوئے کہا ہے کہ عجیب قانون ہے پاکستان کا میں جیت گیا تھا اور مجھے قومی اسمبلی کی پچھلی سیٹوں پر بیٹھا دیا گیا اور جو ہارا ہے اسے وزیر خزانہ بنا دیا ہے . قادر مندوخیل نے یہ بھی شکوہ کیا ہے کہ وزیر توانائی بجلی کی لوڈشیڈنگ کے خاتمے کا کہہ کر زخموں پر نمک نہ چھڑکیں .

میرے حلقے میں 16,16 گھنٹے لوڈشیڈنگ ہو رہی ہے . میرے حلقے میں بجلی نہ ہے پانی اور نہ گیس ہے . سپریم کورٹ سے بحال ہونے والے 16ہزار ملازمین کو سینیارٹی نہیں دی جارہی ہے،سپریم کورٹ کے فیصلے پر 72محکمے عمل نہیں کر رہے .

. دوسری جانب ایم کیو ایم پاکستان قومی اسمبلی کی نشستوں کے معاملے پر ناراض ہو گئی .
ایم کیو ایم پاکستان قومی اسمبلی کی نشستوں کے معاملے پر ناراض ہو گئی .

گزشتہ روز اسپیکر قومی اسمبلی راجہ پرویز اشرف کی زیر صدارت اجلاس ہوا . اجلاس میں ایم کیو ایم قومی اسمبلی میں نشستوں کے معاملہ پر ناراض ہوگئی . ایم کیو ایم کی رکن قومی اسمبلی کشور زہرہ نے کہا کہ اتحادیوں کو صرف کورم پورا کرنے کے لیے رکھا جاتا ہے،کل ہم مناسب نشستیں نا ہونے کے باعث ایوان سے چلے گئے تھے،آج اگر عوامی اہمیت کے معاملات نہ ہوتے تو کم نہ آتے، نشستوں کی آلاٹمنٹ کے معاملہ پر اسپیکر نے فوری طور پر دوری حل کرنے کی ہدایت کر دی ہے،وزیر پارلیمانی امور نے وضاحت پیش کرتے ہوئے کہا کہ نشستوں کی الاٹمنٹ کی شکایت درست ہے، یہ مسئلہ حل کر دیا گیا ہے،اس پر کشور زہرہ نے کہا کہ معاملہ ملازمین پر ڈال دیا گیا تھا، اس معاملہ کو حل کیا جائے ورنہ کل ہم نہیں آئیں گے، قومی اسمبلی کے اجلاس میں ایم کیو ایم کی طرف سے معذوروں کے لئے ایوان میں مخصوص نشستیں دینے کا بل پیش کیا گیا ہے جبکہ حکومت نے بل کی مخالفت کردی جس پر ایم کیو ایم رکن کشورزہرہ نے مطالبہ کیا ہے کہ آپ معذوروں کو نشستیں نہیں دینا چاہتے تو واضح اعلان کریں اس پر وفاقی وزیر پارلیمانی امور مرتضی جاوید عباسی نے کہا ہے کہ اگر آج معذوروں کو مخصوص سیٹیں دی گئیں تو کل وکلا کسان اور باقی طبقات بھی مانگیں گے .
اسپیکر قومی اسمبلی راجہ پرویزاشرف نے حکومتی مخالفت کے باوجود بل پیش کروادیا . بل متعلقہ قائمہ کمیٹی کو بھیج دیا گیا ہے . دوسری جانب سندھ میں بلدیاتی انتخابات کے پہلے مرحلے کے لیے اقدامات کا آغازہوگیا ہے، ایم کیو ایم نے حلقہ بندیوں پر اعتراضات اٹھا دیے ہیں . بلدیاتی انتخابات کے سلسلے میں ہونے والی حلقہ بندیوں کو ایم کیو ایم یکطرفہ قراردیا ہے .

قادر مندوخیل کا جائز شکوہ، وہ مفتاح اسماعیل جو انتخابات بری طرح سے ہارے بلکہ کراچی میں اپنی ہی جماعت کے ہاتھوں بے عزت ہوئے وہ وزیرخزانہ بنا دئیے گئے، اسی لئے ایک ماہ میں ہی پھوٹ پڑ گئی#امپورٹڈ__حکومت__نامنظور pic.twitter.com/KA2iXbksCV

— Rao Faisal (@Rao11Faisal) May 11, 2022