قومی ایئر لائن (پی آئی ای) کی یورپ اور برطانیہ کے لیے پروازوں کی بحالی کا امکان روشن

کراچی (قدرت روزنامہ) قومی ایئر لائن (پی آئی ای) کی یورپ اور برطانیہ کے لیے پروازوں کی بحالی کا امکان روشن . تفصیلات کے مطابق پی آئی اے کی یورپ اور برطانیہ کے لیے پروازوں کی بحالی کے حوالے سے اچھی خبر ہے، 2 سال بعد پروازوں کی دوبارہ بحالی کے معاملے پر مثبت پیش رفت ہوئی ہے .

ذرائع کا کہنا ہے کہ یورپی ایوی ایشن سیفٹی ایجنسی حکام مئی یا جون میں پاکستان آئیں گے، اور سی اے اے ہیڈکوارٹرز سمیت پی آئی اے کا دورہ کریں گے، ایجنسی حکام فلائٹ سیفٹی معیار کا جائزہ لیں گے .

ذرائع کے مطابق یورپی ایوی ایشن ایجنسی بھی آڈٹ کرنے جلد پاکستان کا دورہ کرے گی . سول ایوی ایشن اتھارٹی کے ڈائریکٹر جنرل کا کہنا ہے کہ قومی ایئر لائن کی یورپ کے لیے پروازوں کی جلد بحالی کا امکان ہے، پی آئی اے سمیت دیگر ایئر لائنز کے یورپی حکام سے مثبت رابطے ہوئے ہیں . خیال رہے کہ مارچ میں سڈنی، آسٹریلیا کے لیے بھی پاکستان انٹرنیشنل ایئر لائنز نے براہ راست پروازیں شروع کی تھیں، ترجمان پی آئی اے کا کہنا ہے کہ سڈنی کے لیے براہ راست پروازوں سے وقت کی بچت کے ساتھ ساتھ مسافروں کو سامان کی مد میں بھی سہولت دی جا رہی ہے . #