سونا ملکی تاریخ کی نئی بلند ترین سطح پر پہنچ گیا

اسلام آباد (قدرت روزنامہ)رواں ہفتے کے آخری کاروباری روز کے اختتام پر ملک میں سونے کی فی تولہ قیمت میں آج بھی 700 روپے کا اضافہ ہوا ہے . سندھ صرافہ بازار جیولرز ایسوسی ایشن کے مطابق ملک میں ایک تولہ سونا ایک لاکھ 35 ہزار 300 روپے کا ہوگیا ہے .

10 گرام سونے کی قدر 600 روپے بڑھ کر ایک لاکھ 998 روپے ہے جبکہ عالمی سطح پر سونے کی قدر 28 ڈالر کم ہوکر 1818 ڈالر فی اونس ہوگئی ہے . دوسری جانب ڈالر نے اگلے پچھلے تمام ریکارڈ توڑدیے . پاکستان میں ڈالر کی اونچی اڑان کا سلسلہ جاری ہے . انٹر بینک میں

کاروبار کے دوران ڈالر مزید ایک روپے 23 پیسے مہنگا ہو کر تاریخ کی بلند ترین قیمت 193 روپے کا ہو گیا . دوسری جانب پاکستان اسٹاک ایکسچینج میں ملا جلا رجحان جاری ہے . پی ایس ایکس 100 انڈیکس میں کاروبار کے دوران 130 پوائنٹس کا اضافہ دیکھنے میں آیا ہے اور انڈیکس اس وقت 43 ہزار 29 پر ٹریڈ کر رہا ہے .

. .
Ad
متعلقہ خبریں