عمران نیازی ریاست پاکستان کے لئے خطرہ بن چکا ہے،وزیر داخلہ رانا ثنا ء اللہ

اسلام آباد (قدرت روزنامہ) وفاقی وزیر داخلہ رانا ثناء اللہ نے کہا ہے کہ عمران نیازی پہلے توہین مسجد نبوی کا مرتکب ہوا اور اب گرجاگھرکوجلسہ گاہ بنانے کی کوشش کرکے مسیحی برادری کے مذہبی جذبات کواکسایاہے . سیالکوٹ میں پی ٹی آئی کاگرجا گھر کی جگہ جلسہ کرنے پروزیر داخلہ رانا ثناء اللہ نے اپنے بیان میں کہاکہ خونی مارچ والوں نے آج سیالکوٹ میں گرجا گھر پر حملہ کیا .

انہوں نے کہاکہ عمران نیازی پہلے توہین مسجد نبوی کا مرتکب ہوا اور آج اس نے گرجاگھرکوجلسہ گاہ بنانے کی کوشش کرکے مسیحی برادری کے مذہبی جذبات کواکسایاہے . انہوں نے کہاکہ

ریاست مدینہ کا نام لیکر اپنی سیاسی دکان چمکانے والا عمران نیازی ملک میں مذہبی انتشار پھیلا رہا ہے . انہوں نے کہاکہ عمران نیازی ریاست پاکستان کے لئے خطرہ بن چکا ہے،اس کے شر سے نہ کوئی ادارہ محفوظ ہے اور نہ کوئی مسجد اورکوئی گرجا گھر . انہوں نے کہاکہ گرجا گھر کی جگہ جلسہ کرکے فسطائی ذہنیت کا بنی گالا میں بیٹھا ہوا ایک شخص مسیحی برادری پر اپنی حاکمیت جتانا چاہتا ہے،عمران نیازی اپنی اس مذموم حرکت سے مذہبی اقلیتوں کا کیا پیغام دینا چاہتا ہے . انہوں نے کہاکہ ریاست ہر صورت اپنی اقلیتوں کا تحفظ کرے گی اور انکے مذہبی مقامات کو سیاسی مقاصد کیلئے استعمال نہیں ہونے دیگی . انہوں نے کہاکہ چرچ کی جگہ کو سیاسی جماعت کے جلسہ گاہ کی اجازت نہ دینے کے مسیحی برادری کے فیصلے کو ریاستی تحفظ دینا قانونی اداروں کی ذمہ داری ہے . انہوں نے کہاکہ ریاست پاکستان کسی بھی جماعت کو دھونس اور زبردستی سے ملک میں ملوکیت نافذ کرنے کی ہر گز اجازت نہیں دے سکتی . انہوں نے کہاکہ میں عمران نیازی کو خبردار کرتا ہوں کہ ملک کے کسی بھی حصے میں نقض امن پیدا کرنے کی صورت میں قانون اپنا راستہ خود بنائے گا .

. .
Ad
متعلقہ خبریں