وزیر اعظم شہباز شریف متحدہ عرب امارات پہنچ گئے

ابو ظہبی (قدرت روزنامہ)  وزیر اعظم شہباز شریف متحدہ عرب امارات پہنچ گئے  جہاں وہ  شیخ خلیفہ زید النہیان کی فات پر تعزیت کرینگے .

وزیر اعظم شہباز شریف لندن کے دورے سے  واپسی پرمتحدہ عرب امارات پہنچے ہیں .

خیال رہے کہ  متحدہ عرب امارات کے صدر شیخ خلیفہ زید النہیان 73 سال کی عمر میں  انتقال کر گئے  تھے جس کے بعد شیخ محمد بن زید النہیان  یو اے ای کے نئے صدر منتخب ہوئے ہیں ،  عرب نیوز کے مطابق   شیخ خلیفہ بن زید النہیان کے انتقال پر یو اے ای حکومت نے 40 روز سوگ کا اعلان کیا ہے .

 متحدہ عرب امارات کی سرکاری خبر ایجنسی ڈبلیو اے ایم نے متحدہ عرب امارات کے صدر شیخ خلیفہ بن زید النہیان کے انتقال کی تصدیق کی  ،  وزارت برائے صدارتی امور کے مطابق ملک بھر میں  40 روز تک سرکاری سطح پر سوگ منایا جائے گا اور پرچم سرنگوں رکھا جائے گا .