لاہور (قدرت روزنامہ) سن رائزرز حیدرآباد کے تیز گیند باز عمران ملک نے جاری انڈین پریمیئر لیگ (آئی پی ایل) 2022ء میں پاکستان کے لیجنڈری تیز گیند باز شعیب اختر سمیت بہت سے دیگر لوگوں کی توجہ حاصل کی ہے۔ عمران ملک جو مستقل بنیادوں پر 150 کلومیٹر فی گھنٹہ کی رفتار کر رہا ہے اور ساتھ ہی ساتھ 157 کلومیٹر فی گھنٹہ کی رفتار سے گیند بھی کرچکا ہے، کے بارے میں بات کرتے ہوئے شعیب اختر کا کہنا تھا کہ اگر وہ تیز ترین ڈلیوری کا عالمی ریکارڈ توڑتے ہیں تو انہیں خوشی ہوگی۔
ایک بھارتی ویب سائٹ سے بات چیت کرتے ہوئے شعیب اختر نے کہا کہ میں اس کا طویل کیریئر دیکھنا چاہتا ہوں، کچھ دن پہلے کوئی مجھے مبارکباد دے رہا تھا کیونکہ مجھے تیز ترین گیند بازی کرتے ہوئے 20 سال ہو گئے ہیں لیکن کوئی بھی یہ ریکارڈ نہیں توڑ سکا لیکن میں نے کہا یہ ریکارڈ ٹوٹنا چاہیئے، کوئی ہے جو اس ریکارڈ کو توڑ سکتا ہے، اگر عمران میرا ریکارڈ توڑ دیتے ہیں تو مجھے خوشی ہوگی لیکن اسے اس بات کو یقینی بنانا ہوگا کہ وہ اس عمل میں زخمی نہ ہوں، میں اسے بغیر کسی چوٹ کے طویل عرصے تک کھیلتا دیکھنا چاہتا ہوں۔
شعیب اختر نے عالمی ریکارڈ توڑنے کے لیے نہ صرف عمران کی حمایت کی بلکہ اس امید کا بھی اظہار کیا کہ وہ انٹرنیشنل کرکٹ میں بھارت کی نمائندگی کرتے نظر آئیں گے۔ شعیب اختر کا کہنا تھا کہ میں اسے عالمی سطح پر اسی طرح دیکھنا چاہتا ہوں جیسا کہ وہ وہاں سے تعلق رکھتا ہے، اس وقت بہت زیادہ لوگ نہیں ہیں جو 150 کلومیٹر فی گھنٹہ کی رفتار کو عبور کر سکیں، ہم نے دیکھا ہے کہ عمران اس رفتار سے مسلسل باؤلنگ کر رہے ہیں۔
اگر وہ 100 میل فی گھنٹہ کی رفتار سے باولنگ کرنے والے پیسرز کے کلب میں داخل ہوتا ہے تو مجھے خوشی ہوگی۔ لیکن اسے انجریز سے دور رہنا ہوگا جو اس کے کیریئر کو روک سکتی ہیں۔ یاد رہے کہ عمران ملک اس وقت انڈین پریمیئر لیگ میں 22.05 کی اوسط سے 18 وکٹیں لے کر مشترکہ طور پر سب سے زیادہ وکٹیں لینے والے چوتھے بولر ہیں۔
لاہور (قدرت روزنامہ)وزیرِاعظم شہباز شریف نے کہا ہے کہ آج سفارش سکہ رائج الوقت ہے،…
لاہور(قدرت روزنامہ) جمعیت علمائے اسلام کے سربراہ مولانا فضل الرحمان نے حکومتی پالیسیوں پر تنقید…
اسلام آباد (قدرت روزنامہ)جمعیت علمائے اسلام پاکستان کے مرکزی رہنماء حافظ حمد اللّٰہ کا کہنا…
ممبئی(قدرت روزنامہ)بھارتی ڈراموں میں سب سے زیادہ معاوضہ لینے والی اداکارہ روپالی گنگولی نے سیاست…
اسلام آباد (قدرت روزنامہ)وفاقی وزیرِ داخلہ محسن نقوی نے پاکستان کوسٹ گارڈز کو اپ گریڈ…
واشنگٹن(قدرت روزنامہ)امریکا نے دہشت گردی کے خلاف جنگ میں پاکستان کی کاوشوں کی حمایت کرتے…