اسلام آباد (قدرت روزنامہ)سینئر صحافی و تجزیہ کار کامران خان نے کہا ہے کہ معاشی دلدل سے نکلنے کا واحد راستہ یہ ہے کہ شہباز زرداری حکومت قوم سے معافی مانگے اور الیکشن کا اعلان کرے۔
سوشل میڈیا پر اپنے وی لاگ میں کامران خان نے موجودہ سیاسی و معاشی صورتحال پر تبصرہ کرتے ہوئے کہا کہ ملک کو معاشی دلدل سے نکلانے کی ابتداء اسی وقت ہوسکتی ہے جب شہباز زرداری بنا کسی تاخیر اپنی فاش غلطیاں تسلیم کرتے ہوئے قوم سے معافی طلب کرے۔
انہوں نے مزید کہا کہ شہباز زرداری حکومت فوری طور پر عام انتخابات کا اعلان کریں، اس حکومت کے ایک سال کے دوران معاشی تباہی کی مثال پاکستانی تاریخ میں کم ہی دیکھنے میں آئی ہوگی۔
کامران خان نے موجودہ حکومت کی معاشی کارکردگی پر روشنی ڈالتے ہوئے کہا کہ اس حکومت کے پانچ ہفتوں میں اسٹاک ایکسچینج تقریبا ساڑھے تین ہزار پوائنٹس یعنی 10 فیصد گر چکا ہے، یعنی ان دنوں میں سرمایہ کاروں نے 655 ارب روپے ڈوب گئے ہیں۔
انہوں نے مزید کہا کہ اس حکومت کے دور میں امریکی ڈالر مزید 11 روپے مہنگا ہوا ، ان دنوں میں کاروباری لاگت یعنی کاسٹ آف بزنس میں ہوش ربا اضافہ ہوا ہے، شہباز زرداری حکومت پاکستان میں دنیا بھر کے امیر ترین ملکوں سے آدھی قیمت پر پیٹرول اور ڈیزل فروخت کررہی ہے، یہی وجہ ہے کہ پاکستان سے دھڑا دھڑ پیٹرول اور ڈیزل افغانستان و ایران اسمگل ہورہا ہے۔
کامران خان نے کہا کہ دنیا بھر میں پیٹرول اور ڈیزل کی قیمتوں میں اضافے کے باعث بجلی کی قیمتوں میں بھی اضافہ کردیا گیا ہے مگر شہباز زرداری حکومت سستی بجلی بیچے جارہی ہے اور نتیجہ یہ ہے کہ قومی خزانے پر بوجھ بڑھتا جارہا ہے، لوڈشیڈنگ میں اضافہ ہورہا ہے، ہر طرف چیخ و پکار ہے۔
انہوں نے کہا کہ یہ صورتحال مزید خراب ہوگی کیونکہ آج سے سی این جی اسٹیشنز نے ملک بھر میں سی این جی گیس کی فروخت بند کرنے کا اعلان کردیا ہے، اس صورتحال میں پاکستان کیلئے آئی ایم ایف پروگرام جاری رہنا بھی ناممکن ہے جس سے غیر ملکی قرضوں کی ادائیگی کرنا ممکن نہیں رہے گا اور ملک دیوالیہ ہوسکتا ہے۔
کامران خان نے کہا کہ زرمبادلہ کے ذخائر میں گزشتہ چند ہفتوں کے دوران شدید کمی آئی ہے، اس صورتحال میں شہباز زرداری حکومت قوم کو معافی کے ساتھ خدا حافظ کہہ دے اور اقتدار ایک ٹیکنوکریٹ حکومت کے حوالے کردے تاکہ سخت فیصلے کیے جاسکیں اور ملک سیاسی و معاشی دلدل سے نکل سکے۔
قلات(قدرت روزنامہ)مہلیبی میں مرکزی شاہراہ پر مسلح افراد نے سنگ مرمر لیجانے والی ٹرک پر…
کوئٹہ(قدرت روزنامہ)بلوچستان حکومت نے نقل مکانی کرنے والے سائبرین پرندوں کے غیر قانونی شکار کو…
پنجگور(قدرت روزنامہ)مکران ڈویژن تاریکی میں ڈوب گیاتفصیلات کے مطابق ایران سے مکران کو بجلی کی…
لاہور(قدرت روزنامہ)لاہور ہائیکورٹ نے بانی پی ٹی آئی کیخلاف درج مقدمات کی تفصیلات اور گرفتار…
لاہور(قدرت روزنامہ)اینٹی کرپشن عدالت نے شہبازشریف اور حمزہ شہباز کیخلاف رمضان شوگر مل ریفرنس میں…
کوئٹہ(قدرت روزنامہ)امیر جماعت اسلامی بلوچستان ایم پی اے مولاناہدایت الرحمان بلوچ نے کہاکہ بلوچستان میں…