اسلام آباد (قدرت روزنامہ) ملک کے کسی علاقے میں بجلی کا کوئی شارٹ فال نہیں رہا، وفاقی حکومت نے 1796 میگاواٹ سے زائد بجلی پیدا کرنے والے 6 پاور پلانٹس بند کرنے کا اعلان کر دیا- تفصیلات کےمطابق وزارت توانائی نے ایوان کو بتایا ہے کہ وفاقی حکومت نے 6 پاور پلانٹس کی بندش کافیصلہ کر لیا ہے۔ قومی اسمبلی کے وقفہ سوالات میں وفاقی وزیرحماد اظہر نے کہا کہ ملک میں بجلی کا کوئی شارٹ فال نہیں جن علاقوں میں زیادہ بجلی چوری ہورہی ہےوہاں لوڈشیڈنگ ہے۔
انہوں نے کہا کہ ٹرانسمیشن ایشوزکی وجہ سےبھی بعض علاقوں میں مسائل درپیش ہیں 2سے3سال میں 4ہزار میگاواٹ ٹرانسمیشن کیپسٹی کوبڑھایاگیا اگلےایک سال میں3ہزارٹرانسمیشن کیپسٹی کوبڑھائیں گے۔
وزارت توانائی نے جواب دیا کہ وفاقی حکومت نے 6 پاور پلانٹس کی بندش کافیصلہ کر لیا ہے بند کئے جانے والے 6 پاور پلانٹس سے1796میگا واٹ بجلی کی کمی ہوگی، لاکھڑا،کوٹری پاورپلانٹس نیپراسےلائنسنس منسوخی پرغیرفعال ہیں۔
وزارت نے بتایا کہ موجودہ حکومت نے 3 ہزار میگا واٹ بجلی کی پیداوار میں اضافہ کیا ہے۔ وزارت سائنس وٹیکنالوجی نے قومی اسمبلی اجلاس میں جواب دیا کہ 2020اور 2021 میں 28 شہروں کا پانی تجزیے میں غیرمحفوظ پایاگیا جب کہ ملک کے29 شہروں کا پانی محفوظ پایا گیا، بہاولپور کا پانی 76 فیصد غیرمحفوظ پایاگیا ہے۔ جواب میں کہا گیا ہے کہ پانی میں آرسینک کی موجودگی سےمثانہ اور پھیپھڑوں کاکینسرہوسکتاہے، آرسینک جلد کا رنگ خراب کرنے اور زخم بننےکاسبب بن رہاہے۔
واضح رہے کہ گزشتہ دنوں اپنے ایک بیان میں وفاقی وزیر حماد اظہر نے کہا تھا کہ حکومت نے بجلی کے کمزور ترسیلی نظام کو ٹھیک کرکے بحران پر قابو پا لیا، ملک میں کہیں بھی لوڈشیڈنگ نہیں ہو رہی- وفاقی وزیر برائے توانائی حماد اظہر نے دعویٰ کیا کہ اس وقت کہیں بھی غیر اعلانیہ لوڈ شیڈنگ نہیں ہو رہی ہے۔وفاقی وزیر برائے اطلاعات و نشریات فواد چودھری اور وزیراعظم کے مشیر برائے احتساب شہزاد اکبر کے ہمراہ پریس کانفرنس سے خطاب کرتے ہوئے پاکستان تحریک انصاف سے تعلق رکھنے والے وفاقی وزیرحماد اظہر نے کہا کہ ترسیلی نظام میں4 ہزارمیگاواٹ کا اضافہ کیا ہے۔
اسلام آباد(قدرت روزنامہ)پاکستان نے حکومت اور اپوزیشن میں سیاسی تناؤ سے متعلق افغان وزارت خارجہ…
ممبئی (قدرت روزنامہ )بالی ووڈ اداکار ارباز خان نے سلمان خان سے شادی کی…
راولپنڈی(قدرت روزنامہ)سپرنٹنڈنٹ اڈیالہ جیل نے سیکیورٹی تھریٹس کے تناظر میں بانی پی ٹی آئی عمران…
دبئی (قدرت روزنامہ )امارات میں عرب شہری کو خاتون ملازمہ کے گال پر ہاتھ رکھنا…
اسلام آباد(قدرت روزنامہ) وزیراعظم شہباز شریف نے کہا ہے کہ غزہ اس وقت بدترین بمباری…
ریاض (قدرت روزنامہ)سعودی عرب کے فرمانروا شاہ سلمان بن عبدالعزیز پھیپھڑوں کے مرض میں مبتلا…