بھارتی سیاسی رہنما کے گستاخانہ بیان پر بالی ووڈ کے مسلم خانز خاموش کیوں؟ شان کا سوال

اسلام آباد (قدرت روزنامہ)بھارتیہ جانتہ پارٹی (بی جے پی) رہنما نوپور شرما کے گستاخانہ بیان پر پاکستانی شوبز انڈسٹری کے نامور اداکار ومیزبان شان شاہد نے شدید غم و غصے کا اظہار کیا ہے۔
فلم اسٹار شان شاہد نے سماجی رابطے کی ویب سائٹ ٹوئٹر پر بھارتی رہنما نوپور شرما کی تصویر شیئر کرتے ہوئے صرف ایک لفظ ’لعنت‘ لکھا ہے۔

صرف یہی نہیں بلکہ شان نے اس حوالے سے بالی ووڈ کے سپراسٹار مسلم خانز( شاہ رخ خان ، سیف علی خان، سلمان خان اور عامر خان) کی خاموشی پر بھی سوال اٹھایا ہے۔

شان نے مزید کہا کہ کچھ اداکار اب بھی بی جے پی کے خلاف بولنے کے بجائے خاموش ہیں ، یہ کہتے تھے فنکار کی کوئی سرحد نہیں، سرحد نہیں ہوتی تو شرم تو ہوتی ہے یا وہ بھی بیچ دی؟

واضح رہے کہ بی جے پی ترجمان نوپور شرما نے ایک ٹی وی چینل پر اسلام اور پیغمبرِ اسلام حضرت محمدﷺ کی شان اقدس میں گستاخانہ گفتگو کی تھی۔
سوشل میڈیا صارفین کی جانب سے بھی بی جی پے رہنما کے اس اقدام پر کڑی تنقید کی جارہی ہے اور بھارتی میڈیا کی رپورٹس کے مطابق نوپور شرما کی پارٹی رکنیت ختم کردی گئی ہے