پارٹی سے وفاداراور بہترین امیدواروں کا چناؤ کررہا ہوں، عمران خان

اسلام آباد (قدرت روزنامہ) سابق وزیراعظم عمران خان نے کہاہے کہ ضمنی انتخابات کے امیدواروں کے خود انٹرویو کئے،

پارٹی سے وفاداراور بہترین امیدوارں کا چناؤ کررہا ہوں۔ ذرائع کے مطابق پیر کو عمران خان کی زیر صدارت پارٹی رہنماوں کا اہم اجلاس ہوا

جس میں اسد عمر، قاسم سوری، شیریں مزاری، فواد چوہدری، فرخ حبیب،وہاب علوی، علی اعوان، راجہ خرم، صداقت عباسی، علی محمد خان شریک ہوئے

جس میں ملکی موجودہ سیاسی صورتحال پر مشاورت کی گئی۔اجلاس میں پنجاب کے ضمنی انتخاب سے متعلق امور پر مشاورت کی گئی۔

ذرائع کے مطابق عمران خان نے کہاکہ ضمنی انتخابات کے امیدواروں کے خود انٹرویو کیے ہیں، پارٹی سے وفادار اور بہترین امیدواروں کا چناو کر رہا ہوں۔

عمران خان نے کہاکہ انشااللہ پنجاب کے ضمنی الیکشن میں تحریک انصاف ہی جیتے گی، تحریک انصاف پاکستان میں سب سے مقبول جماعت بن چکی ہے۔

ذرائع کے مطابق ضمنی انتخاب کے موقع پر پنجاب میں سرکاری مشینری استعمال کرنے کی مذمت کرتے ہیں، رہنماؤں کی گفتگو کی گئی۔