oموجودہ حکومت اور اسمبلیوں کی کوئی اہمیت نہیں: شیخ رشید

راولپنڈی (قدرت روزنامہ) عوامی مسلم لیگ کے رہنما شیخ رشید احمد نے کہا ہے کہ موجودہ اسمبلیوں کی کوئی اہمیت نہیں ہے۔

سماجی رابطوں کی ویب سائٹ ٹوئٹر پر بیان میں شیخ رشید نے کہا کہ موجودہ اسمبلیوں کی نہ کوئی اہمیت ہے اور نہ ہی کوئی پذیرائی ہے، اکثریتی ضمانتوں پر50 وزیر بھی اسمبلی نہیں جاتے، یہ ہندوستان سے تجارت کے لئے مرے جارہے ہیں۔سابق وزیر داخلہ نے مزید کہا کہ پوری امید ہے اکتوبر سے پہلے پاکستان گرے لسٹ سے نکل جائے گا، اس کا سارا کریڈٹ عمران خان کی حکومت ،پاک فوج اور ذیلی اداروں کو جاتا ہے۔