اسلام آباد (قدرت روزنامہ) پاکستان تحریک انصاف کے منحرف احمد حسین ڈیہڑ نے کہاہے کہ حکومت 300 یونٹ تک بجلی مفت کر دے .
قومی اسمبلی میں اظہار خیال کرتے ہوئے انہوں نے کہاکہ جو پٹرولیم لیوی عائد کی گئی ہے اس کی مخالفت کرتا ہوں،
معیشت ڈوبنے کی طرف جارہی ہے .
انہوں نے کہاکہ تمام قومی قیادت سے اپیل کرتا ہوں کہ مل کر بیٹھ جائیں . انہوں نے کہاکہ
ایسی معاشی پالیسی بنائی جس سے قوم کو فائدہ ہو،حکومت سے مطالبہ کرتا ہوں کہ آئی ایم ایف سے دوبارہ مذاکرات کریں .
انہوں نے کہاکہ آئی ایم ایف سے دو سے تین سال کے لیے قرضہ جات کی اقساط کو ملتوی کروائیں،حکومت 300 یونٹ تک بجلی مفت کر دے .
انہوں نے کہاکہ حکومت کو چاہیے کہ سولر انڈسٹری کو پروان چڑھائیں،سی پیک کو اسی سال آپریشن کر دیں،
حکومت سیمنٹ کی ایکسپورٹ کو ختم کر دیں،پنشن کو 5 فیصد بڑھانا ناکافی ہے،پنشن کو 15 فیصد کر دیں .
. .