معدے کی بیماری میں مبتلا ٹیسٹ کرکٹر ذوالقرنین حیدر پی سی بی کی امداد کے منتظر

لاہور (قدرت روزنامہ) ٹیسٹ کرکٹر ذوالقرنین حیدر معدے کے عارضے میں مبتلا ہوگئے ہیں، وہ غیر ملکی لیگ کے دوران معدے کی بیماری کا شکار ہوئے ہیں . لاہور میں میڈیا سے گفتگو کرتے ہوئے 36 سالہ ذوالقرنین حیدر نے کہا کہ عمان میں باسی کھانا کھانے سے معدے میں انفیکشن ہوا .

انہوں نے کہا کہ وطن واپسی پر ہسپتال میں علاج کرایا ہے، بیرون ملک علاج کے اخراجات نہیں اٹھا سکتا تھا .

ذوالقرنین حیدر کا یہ بھی کہنا ہے کہ پاکستان کرکٹ بورڈ (پی سی بی) نے میڈیکل اخراجات میں مدد کی امید دلائی ہے . خیال رہے کہ 2010ء میں ذوالقرنین حیدر جنوبی افریقہ کے خلاف متحدہ عرب امارات میں کھیلی جانے والی سیریز کے دوران اچانک لندن چلے گئے تھے . جیو نیوز سے بات کرتے ہوئے ذولقرنین حیدر نے الزام لگا یا تھا کہ کرکٹر عمر اکمل نے ان کو دھمکایا تھا . انہوں نے کہا تھا کہ 2010ء میں ان لوگوں نے مجھے ڈرایا دھمکایا، میں کم عمر تھا ، دباؤ برداشت نہیں کرسکا .