حکومت کی کوشش کام نہ آئی ، اہم کیس میں عمران خان کو عدالت سے کلین چٹ

اسلام آباد، لاہور(قدرت روزنامہ)حکومت نے عمران خان کی پارلیمنٹ حملہ کیس میں بریت کے خلاف اسلام آباد ہائیکورٹ میں اپیل دائر کر دی . اپیل میں چیئرمین پی ٹی آئی عمران خان کی بریت کا فیصلہ کالعدم قرار دینے کی استدعا کی گئی .

وفاق کی اپیل میں موقف اختیار کیاگیاکہ

انسداد دہشت گردی عدالت کا فیصلہ خلاف قانون ہے، ٹرائل کورٹ نے جلدبازی میں فیصلہ کیا، کالعدم قرار دیا جائے . درخواست میں کہاگیاکہ عمران خان کے ارتکابِ جرم کے کافی دستاویزی اور ویڈیو شواہد ریکارڈ پر موجود ہیں . درخواست میں کہاگیاکہ ٹرائل کورٹ نے عینی شاہدین کے بیانات کو نظرانداز کر کے عمران خان کو بری کیا . درخواست میں کہاگیاکہ پبلک پراسیکیوٹرز نے خلاف قانون عمران خان کی بریت کی حمایت کی،ٹرائل کورٹ نے وقوعے کے متاثرین کو نوٹس کیے اور سنے بغیر عمران خان کو بری کیا . انسداد دہشت گردی عدالت نے 29 اکتوبر 2020 کو عمران خان کو پارلیمنٹ حملہ کیس میں بری کیا تھا،شاہ محمود قریشی، پرویز خٹک اور اسد عمر کی بریت کے خلاف بھی اپیل دائر کی گئی . دوسری جانب لاہور کی بینکنگ کورٹ کے جج کی رخصت کے باعث منی لانڈرنگ کیس کی سماعت بغیر کارروائی کے ملتوی کر دی گئی . سابق وفاقی وزیر مونس الٰہی منی لانڈرنگ کیس کی سماعت کے لیے بینکنگ کورٹ میں پیش ہوئے تاہم بینکنگ عدالت کے جج کے رخصت پر ہونے کے باعث کیس کی سماعت بغیر کارروائی کے ملتوی ہو گئی . عدالتی عملے نے ڈیوٹی جج کی اجازت سے کیس کی سماعت کے لیے اگلی تاریخ 22 جولائی دے دی . منی لانڈرنگ کیس میں عدالت نے مونس الٰہی کی عبوری ضمانت میں 14مئی تک توسیع کر رکھی تھی . عدالت نے گزشتہ سماعت پر ایف آئی اے کو تفتیش مکمل کرنے کی ہدایت کی تھی .