کراچی (قدرت روزنامہ)وفاقی وزیر شازیہ مری نے کہا ہے کہ شوکت خانم ٹرسٹ کیلئے ملنے والا چندہ اپنی سیاسی جماعت کے نام لینا کیا چوری نہیں؟تفصیلات کے مطابق وفاقی وزیر شازیہ مری نے اپنے بیان میں کہا ہے کہ عمران خان میں ہمت تھی تو عدم اعتماد کی تحریک کا
سامنا کرتے، عمران خان کو چور دروازے سے اقتدار میں لایا گیا تھا وہ چور دروازے سے بھاگ گیا۔انہوں نے کہا کہ عمران خان نے پہلے کہا عدم اعتماد آنے پر خوش ہوں پھر اسے روکنے کی لاکھ کوششیں کیں، عمران نیازی فارن فنڈنگ کے فیصلے کو روکنے کیلئے بھی الیکشن کمیشن پر دبا ڈال رہا ہے۔ شازیہ مری نے کہا کہ پی ٹی آئی نے دس بار فارن فنڈنگ کیس کا فیصلہ روکنے کی درخواست دی، عمران خان کی خواہش ہے کہ الیکشن کمیشن انہیں صادق و امین قرار دے۔وفاقی وزیر نے کہا ہے کہ غیر ممنوعہ اور مشکوک اکانٹس سے ہونی والی فنڈنگ ناقابل تردید حقیقت ہے، شوکت خانم ٹرسٹ کیلئے ملنے والا چندہ اپنی سیاسی جماعت کے نام لینا چوری نہیں تو اور کیا ہے۔انہوں نے کہا کہ سچ سچ بتائیں پاکستان کو عالمی سطح پر تنہا کرنے کی کیا قیمت ملی تھی؟ کس کے ایجنڈے پر تم نے ملک کی معیشت تباہ کی؟ لندن میں مئیر کا الیکشن ہوتا ہے تو عمران پاکستانی نژاد امیدوار صادق خان کے خلاف مہم چلاتا ہے، بھارت میں الیکشن ہوا تو مودی کے جیتنے کی واضح خواہش کی۔ شازیہ مری نے کہا کہ ملک میں غریب مزید غریب جبکہ بشری اور گوگی امیر ترین بن گئے، عمران خان بشری اور گوگی کو بچانے کی کوشش میں لگا ہوا ہے۔
اسلام آباد (قدرت روزنامہ)ہرینی امراسوریا 6 مارچ 1970 کو سری لنکا میں پیدا ہوئیں جو…
اسلام آباد (قدرت روزنامہ)پاکستان انٹرنیشنل ایئر لائن کو اپنی سروسز، جہازوں کی حالت زار، عملے…
اسلام آباد (قدرت روزنامہ)لاہور پولیس نے اشتہاری ملزم حماد اظہر کو چھڑانے پر پاکستان تحریک…
اسلام آباد (قدرت روزنامہ)وادی ہنزہ اپنی قدرتی خوبصورتی اور پرامن ماحول کی وجہ سے دنیا…
اسلام آباد (قدرت روزنامہ)پاکستان تحریک انصاف (پی ٹی آئی) نے عدلیہ اصلاحات کے حوالے سے…
اسلام آباد (قدرت روزنامہ)چیف آف آرمی سٹاف جنرل سید عاصم منیر نے پاک فوج کی…