لاہور(قدرت روزنامہ) پاکستان مسلم لیگ ن کے رکن پنجاب اسمبلی غیاث الدین نے چوہدری پرویزالٰہی کی حمایت سے متعلق خبروں کی تردید کردی۔ جیو نیوز کے مطابق اپنے ایک بیان میں انہوں نے کہا ہے کہ مجھ سے متعلق چلنے والی خبر غلط ہے ، کسی سے ملاقات کی نہ استعفیٰ دینے کا سوچا اور نہ ہی استعفیٰ دوں گا ، میرا ووٹ پارٹی کی امانت ہے، امانت میں خیانت نہیں کر سکتا۔
قبل ازیں یہ خبر آئی تھی کہ جلیل شرقپوری کے مستعفی ہونے کے بعد ناروال سے منتخب ہونے والے لیگی ایم پی اے غیاث الدین نے بھی مسلم لیگ ق کے چوہدری پرویز الہٰی کی حمایت کر دی ہے ،ایم پی اے غیاث الدین نے اسپیکر پنجاب اسمبلی سے ملاقات میں اپنی حمایت کی یقین دہانی کروائی ۔ اس سے پہلے جلیل شرقپوری نے اسپیکر پنجاب اسمبلی پرویز الہیٰ سے ملاقات میں اپنا استعفیٰ پیش کیا، اسپیکر پنجاب اسمبلی نے استعفیٰ منظور کر کے جلیل شرقپوری کی جیتی ہوئی نشست 16 جولائی سے خالی قرار دے دی ، اس موقع پر سابق لیگی ایم پی اے کا کہنا تھا کہ آج شہبازشریف جس طرح اشتہاریوں کو ساتھ لے کر چل رہے ہیں میں کس طرح ان کے ساتھ چل سکتا ہوں، میں پہلے بھی تحریک انصاف میں تھا اب بھی تحریک انصاف کے ساتھ ہوں، میں چیئرمین تحریک انصاف عمران خان کے ساتھ کھڑا ہوں۔
انہوں نے کہا کہ آج ایک سوچ اور نظرئیے کے تحت استعفیٰ دیا ہے،عمران خان کے نظرئیے اور فلاسفی کو پسند کرتے ہیں اسی لیے ان کے ساتھ ہیں، میری اپیل ہے کہ تمام حلقوں کے اندر محب وطن اور اسلام پسند لوگ تحریک انصاف کے امیدوار کو ووٹ دیں ، میری دعا ہے کہ عمران خان کا ویژن کامیاب ہو تاکہ جس مقصد کیلئے پاکستان بنا تھا یعنی لا الہ الا اللہ محمد رسول اللہ اس مقصد کو ہم حاصل کر سکیں۔
اسلام آباد(قدرت روزنامہ) سینیٹ قائمہ کمیٹی میں سینیٹرز نے اسلامی بینکاری کو چھوٹ دینے کی…
کراچی(قدرت روزنامہ)شہر قائد میں ڈکیتی کی واردات کے دوران مزاحمت پر والد جاں بحق اور…
کراچی(قدرت روزنامہ)بانی ایم کیو ایم نے سندھ ہائیکورٹ سے رجوع کرتے ہوئے نمائندگی کیلیے 2…
اسلام آباد (قدرت روزنامہ)اسلام آباد ہائیکورٹ نے جواب طلب کرلیا کہ دفاعی تجزیہ کاروں کا…
راولپنڈی(قدرت روزنامہ) کلرسیداں میں 15 سالہ لڑکے کے ساتھ زیادتی کی کوشش کے دوران متاثرہ…
اسلام آباد(قدرت روزنامہ) مخصوص نشستوں کے کیس سے متعلق آٹھ ججز کے وضاحتی حکم نامے…