عالمی مارکیٹ میں خام تیل کی قیمتیں گر گئیں

نیو یارک(قدرت روزنامہ) عالمی مارکیٹ میں خام تیل پونے دو ڈالر فی بیرل سستا ہو گیا . میڈیا رپورٹس کے مطابق عالمی مارکیٹ میں امریکی خام تیل کی فی بیرل قیمت ایک عشاریہ سات دو ڈالر کمی کے ساتھ پچانوے ڈالر ہو گئی جبکہ برطانوی برینٹ خام تیل کی فی بیرل قیمت

94 سینٹ کمی کے ساتھ ایک سو چار ڈالر ہو گئی .

دوسری جانب امریکا میں قدرتی گیس کی قیمت 14 سال کی بلند ترین سطح پر پہنچ گئی . گیس کے مستقبل کے سودے گیارہ فیصد اضافے سے نو اعشاریہ سات پانچ ایم ایم بی ٹی یومیں طے پائے . یورپی یونین نے توانائی ایمرجنسی نافذ کرتے ہوئے گیس کے استعمال میں15 فیصد کمی کے ہنگامی منصوبے کی منظوری دے دی . یورپ میں قدرتی گیس کی قیمت میں انیس اعشاریہ آٹھ فیصداضافہ ہو گیا . علاوہ ازیں توانائی ایمرجنسی کے بعد یورپی اسٹاک مارکیٹ گر گئی . فرینکفرٹ میں ڈیکس انڈیکس 0.86 فیصد کمی، لندن میں ایف ٹی ایس ای انڈیکس 0.2 فیصد کمی ، پیر س میں سی اے سی انڈیکس میں 0.42 فیصد کمی ہوئی . ادھر امریکی اسٹاک مارکیٹس میں مندی کا رجحان رہا . ڈاؤ انڈیکس228 پوائنٹس، ایس اینڈپی 500 انڈیکس 45 پوائنٹس اور نیسڈیک کمپوزٹ انڈیکس 220 پوائنٹس کمی ریکارڈ کی گئی . آئی ایم ایف کے مطابق برطانیہ، امریکا، چین اور یورپ کی معاشی شرح نمو گر رہی ہے . دنیا کے جلد ہی عالمی کساد بازاری کے دہانے پرپہنچنے کا خدشہ ہے .

. .
Ad
متعلقہ خبریں