فنانشل ٹائمز کی رپوٹ غلط ہے تو ان کیخلاف کیس کیوں نہیں کرتے؟محمد زبیر نے سوالات اٹھا دئیے

اسلام آباد(قدرت روزنامہ) مسلم لیگ ن کے سینئر رہنما محمد زبیر نے کہا ہے کہ 8سال سے فارن فنڈنگ کیس الیکشن کمیشن میں پڑا ہے . پی ٹی آئی یہ فیصلہ رکوانے کیلئے مختلف حیلے بہانے کررہی ہے .

فنانشل ٹائمز کی رپوٹ غلط ہے تو ان کیخلاف کیس کریں،وہ یہاں پریس کانفرنس کررہے تھے ،انہوں نے کہا 8سال سے فارن فنڈنگ کیس الیکشن

کمیشن میں پڑا ہے، یہ کیس پی ٹی آئی کے اپنے بانی رکن اکبر ایس بابر نے عمران خان کیخلاف دائر کیا تھا اور انہوں نے رقم منتقلی کے تمام شواہد پیش کیے ، اب پی ٹی آئی یہ فیصلہ رکوانے کیلئے مختلف حیلے بہانے کررہی ہے، اگرفنانشل ٹائمز کی رپوٹ غلط ہے تو ان کیخلاف کیس کریں . انہوں نے کہا برطانوی اخبار بتا رہا ہے کس طرح چیریٹی کا پیسہ منتقل ہوا،مسلم لیگ ن کیخلاف جھوٹے کیس بنائے گئے پھر بھی مسلم لیگ ن کے تمام ارکان عدالتوں میں پیش ہوئے،نواز شریف نے اپنے اثاثوں کا پورا حساب دیا، ہماری پارٹی کے تمام ارکان نے اپنے اثاثوں کا جواب دیا لیکن عمران خان کبھی عدالتوں میں پیش نہیں ہوئے ، انہوں نے کہا عمران خان سے فارن فنڈنگ کا سوال کریں گے اور باربار کریں گے اگر آپ اتنے صادق اورامین ہیں تو اپنے اثاثوں کا جواب دیں، انہوں نے کہا ہم نے نیب کیسز اور جیلیں بھگتیں ہیں، الیکشن کمیشن فارن فنڈنگ کا فیصلہ جلد سنائے کیونکہ الیکشن کمیشن ایک خود مختار ادارہ ہے،وہ حکومت کے کنٹرول میں نہیں . انہوں نے کہا چیف الیکشن کمشنر عمران خان نے خودتعینات کیااور اسکی تعریفیں کیا کرتے تھے اور آج الیکشن کمشنر کو دھمکیاں دی جارہی ہیں ، عمران خان کے دور میں چینی اور گندم جیسے بڑے سکینڈل سامنے آئے، انہوں نے کہا کہ ہم نے فل کورٹ کا مطالبہ اس لیے کیا تھا کہ کسی کو فیصلے پر اعتراض نہ ہو .