اومان سے سیلاب متاثرین کے لئے مزید دو امدادی پروازیں کراچی پہنچ گئیں

اسلام آباد (قدرت روزنامہ) اومان سے پاکستان کے سیلاب متاثرین کے لئے امدادی سامان لیکر مزید دو پروازیں جمعہ کو کراچی کے جناح انٹرنیشنل ائیرپورٹ پر پہنچ گئیں .
دفتر خارجہ کی جانب سے جاری بیان کے مطابق اومان سے اب تک 8 پروازیں سیلاب متاثرین کے لیے امدادی سامان لے کر پاکستان پہنچی ہیں .

ترجمان نے کہا کہ پاکستان اومان کی طرف سے سیلاب متاثرین کے لئے انسانی امداد کا گرمجوشی اور تشکر کے ساتھ خیرمقدم کرتا ہے .