جمشید دستی گرفتار

راولپنڈی(قدرت روزنامہ)راولپنڈی میں پولیس نے رات گئے سابق رکن قومی اسمبلی جمشید دستی کو گرفتار کر لیا . پولیس ذرائع کے مطابق جمشید دستی کو فیض آباد کے ایک ہوٹل سے گرفتار کیا گیاہے .

ذرائع نے کہا کہ جمشید دستی کے خلاف ٹرک ڈرائیور ایسوسی ایشن نے مقدمہ درج کرا رکھا ہے، ان پر 38 لاکھ روپے کی خیانت کا الزام ہے . پولیس ذرائع کا مزید کہنا ہے کہ جمشید دستی کو ابتدائی طور پر نیوٹاؤن پولیس کے حوالے کیا گیا، ان کو مظفر گڑھ پولیس کے حوالے کیا جائے گا .