چیئرمین پی سی بی کے انتخابات کا معاملہ، حکم امتناع واپس لے لیا
کوئٹہ (قدرت روزنامہ)چیئرمین پی سی بی کے انتخابات کے معاملے پر بلوچستان ہائیکورٹ نے حکم امتناع واپس لے لیا .
نجی ٹی وی دنیا نیوز کے مطابق چیئرمین پی سی بی کے انتخابات روکے جانے سے متعلق کیس کی سماعت چیف جسٹس بلوچستان ہائیکورٹ کی سربراہی میں 2 رکنی بینچ نے کی، عدالت نے چیئرمین پی سی بی کے انتخاب کے انعقاد سے متعلق حکم امتناع واپس لے لیا .
گزشتہ سماعت پر عدالت نے چیئرمین پی سی بی کے انتخاب پر حکم امتناع جاری کیا تھا . عدالت نے ریمارکس میں کہا کہ مینجنگ کمیٹی بورڈ آف گورنرز نامزد نہیں کر سکتی . اٹارنی جنرل کا دلائل میں کہنا تھا کہ پی سی بی کی عبوری کمیٹی روزمرہ معاملات چلا سکتی ہے .
