ملکہ ترنم نورجہاں کی 23ویں برسی سے قبل حکومت کا منفرد خراج عقیدت
اسلام آباد (قدرت روزنامہ)پاک و ہند میں اپنی جادوئی آواز کا سحر جگانے والی گلوکارہ ملکہ ترنم نورجہاں کو ہم سے بچھڑے تقریباً 23 برس بیت گئے ۔
نگراں حکومت کی جانب سے نورجہاں کی برسی سے قبل انہیں خراج عقیدت پیش کرنے کے لیے سرکاری ٹی وی پریکم سے 23 دسمبر تک ہر روز اُن کے مقبول گیت نشر کرنے کا فیصلہ کیا گیا ہے۔
نگراں وزیر اطلاعات و نشریات مرتضیٰ سولنگی نےاس بات کا اعلان اپنے آفیشل ایکس اکاؤنٹ پر کیا۔
مرتضیٰ سولنگی کے مطابق، ’قومی ٹیلی ویژن یکم دسمبر سے میڈم نورجہاں کی 23 ویں برسی کے موقع پر انہیں خراج عقیدت پیش کرنے کے لیے ا کی دھنیں نشر کرے گا۔‘
Starting Friday, December 1, @ptv will air #MelodiesOfMadam #Noorjehan on her 23rd anniversary. We will dedicate one of her songs each day at 2300 hours (11 pm) till 23rd. There is more. Stay tuned. pic.twitter.com/eWeSvs4wMI
— Murtaza Solangi (@murtazasolangi) November 28, 2023
مرتضیٰ سولنگی نے بتایا کہ جمعہ یکم دسمبر سے 23 دسمبر تک ہرروز رات 11 بجے ملکہ ترنم نورجہاں کا ایک گانا نشر کیا جائے گا۔’
نگراں وفاقی وزیر اطلاعات مرتضیٰ سولنگی
ملکہ ترنم نور جہاں کو ہم سے بچھڑے 23 برس بیت گئے
ملکہ ترنم نور جہاں کی 23 ویں برسی پر انہیں زبردست خراج عقیدت پیش کیا جائے گا@murtazasolangi pic.twitter.com/rCCfXsZLBS
— PTV News (@PTVNewsOfficial) November 28, 2023
ملکہ ترنم نورجہاں پلے بیک گلوکارہ اوراداکارہ تھیں جنہوں نے پہلے برٹش انڈیا اور پھر پاکستانی سنیما میں کام کیا۔ ان کا کیریئر چھ دہائیوں محیط تھا۔
انہوں نے اردو، پنجابی اور سندھی سمیت مختلف زبانوں میں تقریبا 30،000 گانے ریکارڈ کروائے۔
