اپنے دم پر الیکشن جیت کر دکھائیں،اےاین پی کا پرویز خٹک کو چیلنج

نوشہرہ(قدرت روزنامہ)عوامی نیشنل پارٹی کے مرکزی سیکریٹری جنرل میاں افتخار حسین نے کہا ہے کہ پرویز خٹک انتظامیہ کے زور پر نہیں بلکہ اپنے دم پر الیکشن جیت کر دکھائے .

نوشہرہ میں پریس کانفرنس کے دوران میاں افتخار حسین نے کہا کہ اعتراضات کے باوجود الیکشن کمیشن ٹس سے مس نہیں ہو رہا .

حکومت اور الیکشن کمیشن اتنا بے بس ہے کہ ڈپٹی کمشنر (ڈی سی) کو تبدیل نہیں کرسکتے . ڈی سی نوشہرہ ایک فرد کا ملازم بنا ہوا ہے، ان کا یہ بھی کہنا تھا کہ ہمارے اعتراضات پر عمل نہ ہوا تو سڑکوں پر نکلیں گے، پرویز خٹک ایک جعلی پارٹی کے سربراہ بنے ہوئے ہے .

میاں افتخار حسین نے کہا کہ کسی صورت انتخابات سے بائیکاٹ نہیں کریں گے، سڑکوں پر نکلنے کے بعد کسی کی منت سماجت نہیں مانیں گے . اتحاد نہیں سیٹ ٹو سیٹ ایڈجسمنٹ پر مختلف سیاسی جماعتوں مشاورت جاری ہے .