ماہ نورحیدراپنی طلاق اور اس کے بعد کی زندگی کےبارے میں کھل کر بول پڑیں

کراچی(قدرت روزنامہ) اداکارہ ماہ نور حیدر نے حالیہ انٹرویو میں انکشاف کیا ہے کہ طلاق کے بعد ان کے سابق شوہر کے ساتھ تعلقات پہلے سے بھی بہتر ہو گئے . ڈیلی پاکستان گلوبل کے مطابق اپنی نجی زندگی کے متعلق بات کرتے ہوئے اداکارہ نے بتایا کہ ’’میری شادی محض 22سال کی عمر میں ہو گئی تھی .

میں نے کالج کی پڑھائی ختم کی اور شادی کرکے ہاؤس وائف بن گئی، تاہم میری شادی چل نہ سکی اور 4سال بعد ہماری طلاق ہو گئی . ‘‘
ماہ نور حیدر نے کہا کہ ’’طلاق لینے سے پہلے میں نے اپنے والد سے مشورہ کیا . ان مشکل دنوں میں میرے والدین نے میری بہت سپورٹ کی . ‘‘ انہوں نے کہا کہ ’’یہ لازمی نہیں ہے کہ شوہر یا بیوی غلط ہو تو طلاق ہوتی ہے . کبھی کبھار دونوں میاں بیوی اچھے ہوتے ہیں، لیکن وہ ایک ساتھ رہتے ہوئے اچھی طرح نہیں چل سکتے ، چنانچہ انہیں الگ ہونا پڑتا ہے . ‘‘

انہوں نے بتایا کہ ’’میرے لیے ساس اور سسرالی آج بھی اتنے ہی محترم ہیں جتنے شادی کے وقت تھے . اپنی سابق ساس کی میں آج بھی والدہ کی طرح عزت کرتی ہوں . اگرچہ ہماری طلاق ہو چکی ہے لیکن میرے اپنے سابق شوہر کے ساتھ بہت اچھے تعلقات ہیں اور طلاق کے بعد ہمارے تعلقات پہلے سے زیادہ بہتر ہو گئے ہیں . ‘‘