اسلام آباد (قدرت روزنامہ) مسلم لیگ (ن) کے صدر اور نامزد وزیراعظم شہبازشریف سے بلوچستان عوامی پارٹی (بی اے پی) کے وفد کی ملاقات . بی اے پی کے صدر ڈاکٹر خالد حسین مگسی نے وفد کی قیادت کی .
وفد میں چیئرمین سینیٹ صادق سنجرانی، سینیٹر کہدہ بابر شامل تھے . ملاقات میں سینیٹر اسحاق ڈار، رانا ثنا اللہ، سردار ایاز صادق، خواجہ سعد رفیق، سینیٹر اعظم نذیر تارڑ اور عطا اللہ تارڑ بھی موجود تھے . ملاقات میں ملکی صورتحال اور سیاسی تعاون سے متعلق امور زیر غور آئے . وفد نے شہبازشریف کو وزیراعظم نامزد ہونے پر مبارک پیش کی . شہباز شریف نے 16 ماہ کی مخلوط حکومت کے دوران بی اے پی کے تعاون کو سراہا . ملک کولاحق معاشی خطرات کے مقابلے کے لئے اتحاد اور سیاسی تعاون کو فروغ دیا جائے، قائدین کا اتفاق . معاشی خطرات سے نمٹنے کے لئے سیاسی استحکام ضروری ہے . قائدین کا ملکی مفادات کو مدنظر رکھتے ہوئے سیاسی اتحاد اور تعاون کے ساتھ آگے بڑھنے پر اتفاق . پاکستان کو معاشی خطرات سے بچانا ہر محب وطن کا فرض ہے . شہبازشریف کا بی اے پی کے قائدین کے لئے نیک تمناﺅں کا اظہار .
. .