1 لاکھ 59 ہزار ڈالر فی لفظ کمانے والا اداکار، فلاپ فلم نےبھی 150 ملین ڈالر کما لیے

ممبئی(قدرت روزنامہ)ہندی سنیما ہو یا ہالی وڈ، لیڈ اسٹار کی مکالمہ بازی ہی فلموں میں خاص بات ہوتی ہے . ہیرو کس طرح ایک لائن فراہم کرتا ہے اور یہ آخر کار پاپ کلچر کا حصہ کیسے بنتا ہے، یہ ایک دلچسپ معاملہ ہے .

لیکن کیا ہوگا اگر آپ کے ہیرو کے پاس کہنے کے لیے شاید ہی کوئی لائن ہو . یہی حال اس ایک اسٹار کا ہے، جو خاموش کردار ادا کرنے کے لیے جانا جاتا ہے اور اس کے بدلے کروڑوں کی فیس لیتا ہے اور بڑی ہٹ فلمیں دیتا ہے .

دی میٹرکس(The Matrix) فلم کی کامیابی کے بعد لبنانی نژاد کینیڈین اداکار کیانو ریوز ایک بہت بڑے اسٹار بن گئے، اس فلم کے بعد میں 2 سیکوئل آئے، جن میں کیانو ریوزنے سینما کی تاریخ میں سب سے زیادہ معاوضہ حاصل کیا .

رپورٹس کے مطابق اس اداکار نے دونوں فلموں کی مشترکہ پروڈکشن کے لیے تقریباً 100 ملین ڈالر کمائے . دلچسپ بات یہ ہے کہ کیانو ریوز کے کردار نیو (Neo) کے دونوں فلموں میں مکالمے کے صرف 638 الفاظ تھے، جس کا مطلب ہے کہ اداکار نے فلم پر بولے گئے فی لفظ کے عوض 1لاکھ 59 ہزار ڈالر کمائے .

آج بھی فلموں میں کیانو ریوز کو بہت زیادہ معاوضہ دیا جاتا ہے، اداکار نے جان وِک 4 کے لیے 25 ملین ڈالر چارج کیے جو تقریباً 200 کروڑ بھارتی روپے بنتے ہیں، یہ معاوضہ ہندوستان کے سب سے بڑے اسٹارز شاہ رخ خان اور سلمان خان کے فی فلم معاوضے سے زیادہ ہے .

کیانو ریوز کو باکس آفس پر کامیابی کے ساتھ ناکامی بھی دیکھنا پڑی . ان کے کیریئر میں 2021 میں ان کی فلم ‘The Matrix Resurrections’ کی ریلیز ہوئی لیکن یہ کووڈ- 19 وبا کے باعث باکس آفس پر فلاپ رہی، دلچسپ بات یہ ہے کہ فلاپ ہونے کے باوجود یہ فلم باکس آفس پر اب تک 150 ملین ڈالر (تقریباً 1200 کروڑ بھارتی روپے) کمانے میں کامیاب رہی ہے .