جون میں بھی ہیٹ ویو کے امکانات ،مویشی منڈیوں کیلئے ہدایات جاری

لاہور (قدرت روزنامہ ) عیدالاضحی کی مناسبت سے پی ڈی ایم اے نے مویشی منڈیوں میں ہیٹ ویو سے بچاؤ کیلئے ہدایات جاری کر دیں۔

پی ڈی ایم اے نے ہدایت نامے میں کہا ہے کہ منڈیوں میں جانوروں کیلئے پانی کی فراہمی کو یقینی بنایا جائے،منڈیوں میں عارضی شیڈز کے قیام کو بھی یقینی بنایا جائے،منڈیوں کے مقامات پر ہیلتھ سنٹرز کے قیام کو یقینی بنایا جائے مویشیوں کیلئے ویٹرنری ہیلتھ سنٹرز بھی قائم کیے جائیں ۔

پی ڈی ایم اے کے مطابق جون کے مہینے میں بھی ہیٹ ویو اور گرمی کی لہر برقرار رہنے کے امکانات ہیں،احتیاطی تدابیر اختیار کر کے گرمی اور ہیٹ ویو سے بچاؤ یقینی بنایا جا سکتا ہے ۔منڈیوں میں مویشی بیچنے اور خریدنے والے احتیاطی تدابیر اختیار کریں ۔