بجٹ کب پیش کیا جائے گا ؟ حتمی فیصلہ ہو گیا

اسلام آباد(قدرت روزنامہ ) وفاقی حکومت نے بجٹ 12جون کو پیش کرنے کا فیصلہ کرلیا ہے .

تفصیلات کے مطابق گزشتہ روز اسپیکر سردار ایاز صادق کی زیرصدارت ہاؤس بزنس ایڈوائزری کمیٹی کا اجلاس ہوا جس میں وزیرقانون اعظم نذیر تارڑ، نوید قمر، خالد مگسی، عامر ڈوگر، امین الحق، اعجاز جاکھرانی، طارق فضل چوہدری اور نور عالم نے شرکت کی .

اجلاس میں تمام جماعتوں کی مشاورت سے طے کیا گیا کہ وفاقی بجٹ 12 جون کو پیش کیا جائے گا، بجٹ اجلاس شام چار بجے منعقد ہوگا .

قومی اسمبلی کا اجلاس آج (جمعہ) بھی ہوگا، ہفتہ، اتوار کو چھٹی پیر کو اجلاس کے بعد پھر ایک روز کا وقفہ ہوگا . بدھ کو وزیرخزانہ بجٹ پیش کریں گے . بجٹ کے بعد اجلاس عید کے بعد تک ملتوی کردیا جائے گا .