وزیراعظم شہباز شریف اقوام متحدہ میں کس مسئلے پر بات کریں گے؟ وزیر اطلاعات عطا اللہ تارڑ کا اہم بیان

نیویارک(قدرت روزنامہ)وفاقی وزیر اطلاعات و نشریات عطا اللہ تارڑ نے کہاہے کہ وزیراعظم شہبازشریف اقوام متحدہ میں خطاب میں فلسطین اور کشمیر کے مسئلے پر بات کریں گے،وزیراعظم دہشتگردی اور ماحولیاتی تبدیلی پر بات کریں گے .

نیویارک میں جنرل اسمبلی کے باہر میڈیا سے گفتگو کرتے ہوئے عطا اللہ تارڑ کا کہناتھا کہ فلسطین میں نسل کشی کا ذمہ دار اسرائیل ہے،فلسطینی بھائیوں کیلئے ہر ممکن مدد فراہم کررہے ہیں،پاکستان مشرق وسطیٰ میں امن کا خواہاں ہے،ان کا کہناتھا کہ اقوام متحدہ اجلاس کے دوران موسمیاتی تبدیلی پر بھی بات چیت ہوگی،پاکستان نے دہشتگردی کیخلاف جنگ میں بہت نقصان اٹھایا ہے .

وفاقی وزیر اطلاعات کا مزید کہنا تھا کہ پاکستان میں مہنگائی سنگل ڈیجٹ پر آگئی ہے،ہماری آئی ٹی ایکسپورٹس 3.1بلین ڈالر تک پہنچ چکی ہیں،ان کا کہناتھا کہ وزیراعظم نے ہر فورم پر فلسطین کا مسئلہ اٹھایا ہے،وزیراعظم کے دورے کے پاکستان پر بہت اچھے نتائج مرتب ہوں گے .