سلمان خان کو 5 کروڑ بھتہ دینے کیلئے دھمکی آمیز خط کا معاملہ، پولیس کو بڑی کامیابی مل گئی
ممبئی (قدرت روزنامہ) ممبئی پولیس بالی ووڈ ادا کار سلمان خان کو دھمکی آمیز خطوط بھیجنے اور 5 کروڑ روپے کے بھتہ مانگنے کے معاملے کی تحقیقات میں بھارتی پولیس کو بڑی کامیابی مل گئی ہے . ممبئی پولیس نے جمشید پور سے ایک شخص کو گرفتار کر لیا ہے جو کہ ممکنہ طور پر اس دھمکی آمیز خط کا ذمہ دار ہے .
بھارتی میڈیا کے مطابق ایک پولیس اہلکار نے بتایا کہ ورلی کی پولیس نے جمشید پور سے ایک شخص کو حراست میں لے کر اس سے تفیش شروع کر دی ہے . ملزم کو تفتیش کےلیے ممبئی لایا جائے گا تاہم ابھی پولیس کی ایک ٹیم کو گوہاٹی بھیجا گیا ہے .
یاد رہے کہ گزشتہ ہفتے ممبئی پولیس کو پولیس کی واٹس ایپ ہیلپ لائن سے ایک دھمکی آمیز پیغام ملا تھا جس میں سلمان خان سے 5 کروڑ روپے کا بھتہ مانگا گیا تھا اوربھتہ نہ دینے کی صورت میں دھمکی دی گئی تھی کہ بصورت دیگر سلمان خان کا انجام بابا صدیقی سے بھی بددتر کیا جائے گا .
بھارتی میڈیا کے مطابق پیغام موصول ہونے کے بعد ممبئی پولیس نے ملزم کے خلاف کیس درج کر کے تفتیش شروع کر دی تھی . ایک پولیس افسر نے بتایا کہ دوران تفتیش پولیس کو معلوم ہوا ہے کہ دھمکی آمیز پیغام جھارکنڈ کے ایک نمبر سے بھیجا گیا تھا . پولیس نے لوکیشن ٹریس کرنے کے بعد ملزمان کی گرفتاری کے لیے ٹیمیں وہاں روانہ کر دی تھیں .
. .