پاکستان میں لیکس کا موسم؟ اداکارہ حبا بخاری اور درفشاں سلیم کی ڈیپ فیک نازیبا ویڈیوز وائرل

لاہور(قدرت روزنامہ)پاکستان میں سوشل میڈیا پر ٹک ٹاکرز کے بعد اب فنکاروں کی ویڈیوز کا سلسلہ شروع ہوگیا ہے، ماڈل متھیرا کے بعد مشہور اداکارہ حبا بخاری اور درفشاں سلیم کی مبینہ نازیبا ویڈیوز بھی سوشل میڈیا پر وائرل ہوگئی ہیں۔

گزشتہ کچھ دنوں سے ملک میں ویڈیوز وائرل ہونے کا سلسلہ جاری ہے۔ پہلے معروف ٹک ٹاکر مناہل ملک کی نازیبا ویڈیوز منظر عام پر آئیں۔ ابھی ان ویڈیوز کا معاملہ ختم نہیں ہوا تھا کہ امشا رحمان کی ذاتی لمحات کی ویڈیوز سوشل میڈیا پر وائرل ہوگئیں۔

امشا رحمان کے بعد سوشل میڈیا پر ماڈل و اداکارہ متھیرا کی ویڈیوز لیک ہونے کے دعوے سامنے آئے اور اب مختلف سوشل میڈیا پیجز پر ٹی وی اداکارہ حبا بخاری، درفشاں سلیم اور دیگر فنکاروں کی مبینہ نازیبا ویڈیوز لیک ہونے کے انکشافات اور دعوے کیے جا رہے ہیں۔

سوشل میڈیا پر زیر گردش ویڈیوز کو دیکھ کر ایسا محسوس ہوتا ہے کہ شاید یہ مناظر شوٹنگ کے دوران کیمرے میں قید کیے گئے ہوں۔ تاہم، عمومی خیال یہ ہے کہ یہ ویڈیوز مصنوعی ذہانت کی مدد سے تیار کی گئی ہیں۔