کرن اشفاق کے ہاں ننھی پری کی آمد، دعوت میں علیزہ سلطان بھی شریک
کراچی(قدرت روزنامہ)پاکستان شوبز کی ماڈل اور عمران اشرف کی سابقہ اہلیہ کرن اشفاق کے ہاں بیٹی کی پیدائش ہوئی ہے جس کی خوشی میں رکھی گئی تقریب کی تصاویر سوشل میڈیا پر وائرل ہو رہی ہیں۔
کرن اشفاق حسین نے سوشل میڈیا پر گزشتہ ماہ مداحوں کے ساتھ یہ خوشخبری شیئر کی تھی کہ 5 اکتوبر کو خدا نے انہیں بیٹی جیسی نعمت سے نوازا ہے ساتھ ہی اداکارہ نے بیٹی کا نام ’خدیجہ‘ رکھا ہے اس بات سے بھی مداحوں کو آگاہ کیا تھا۔
کرن نے بیٹی کی پیدائش کی خوشی میں ایک شاندار تقریب کا بھی اہتمام کیا جس میں قریبی دوست اور رشتہ دار شریک تھے جبکہ اس فیروز خان کی سابقہ اہلیہ علیرہ سلطان بھی اس تقریب کا حصہ تھیں جن کی تصاویر سوش میڈیا کی زینت بنی ہوئی ہیں۔
کرن اور علیزہ نے ایک ساتھ تصـاویر بنوائیں جن میں دونوں بےحد خوش نظر آرہی تھیں، ایک تصویر میں علیزہ نے کرن اشفاق کی بیٹی کو بھی گود میں لے رکھا ہے۔
کرن اشفاق اور علیزہ سلطان اپنی ذاتی زندگی کے تجربات کے باعث ایک دوسرے کے قریب آ گئی ہیں۔ علیزہ سلطان، اداکار فیروز خان کی سابق اہلیہ ہیں، جبکہ کرن اشفاق بھی اداکار عمران اشرف کی شریک حیات تھیں۔ دونوں نے علیحدگی کے بعد ایک دوسرے کا ساتھ دیا اور ان کے درمیان ایک خوبصورت تعلق قائم ہو گیا۔
یہ تصاویر سوشل میڈیا صارفین کی توجہ کا مرکز بنی ہوئی ہیں صارفین کی جانب سے کرن اور علیزہ دونوں کیلئے نیک تمناؤں کا اظہار کیا جارہا ہے اور مداح بیٹی کی پیدائش کی خوشی میں اداکارہ کو مبارکباد دے رہے ہیں۔
