کیا پاکستان میں سوشل ایپ بلو اسکائی کو بھی بلاک کردیا گیا ؟

اسلام آباد(قدرت روزنامہ)پاکستان میں مشہور سوشل میڈیا ایپ ایکس پر پابندی کے بعد بلو اسکائی نامی نئی سوشل ایپ صارفین میں مقبول ہو رہی ہے تاہم اطلاعات ہیں کہ حکومت نے اس نئی ایپ کو بھی بلاک کر دیا ہے۔

سوشل میڈیا پر خاص طور پر فیس بک پر بلو اسکائی کے صارفین یہ رپورٹ کر رہے ہیں کہ ایپ کو ملک میں بند کر دیا گیا ہے تاہم حکومت کی طرف سے اس معاملے پر کوئی وضاحت سامنے نہیں آئی۔

بلو اسکائی کی پاکستان میں اچانک مقبولیت ایکس تک رسائی میں بڑھتی ہوئی مشکلات کے دوران سامنے آئی ۔ حکومت کی پابندیوں اور ایکس تک رسائی کے لیے وی پی این کی ضرورت کے سبب بہت سے پاکستانی صارفین نے بلو اسکائی کو ایک متبادل کے طور پر استعمال کرنا شروع کر دیا ہے۔