چیئرمین نیب کی زیر صدارت نیب کی مجموعی کارکردگی سے متعلق جائزہ اجلاس
تفصیلات کے مطابق چیئرمین نیب جاوید اقبال کی زیر صدارت نیب کی مجموعی کارکردگی سے متعلق جائزہ اجلاس کا انعقاد ہوا . میڈیا رپورٹس کے مطابق اجلاس سے خطاب میں چیئرمین نیب نے بتایا کہ مؤثر پیروی کے ذریعے گزشتہ 4 سال میں احتساب عدالتوں نے 1194 ملزموں کو سزائیں سنائی ہیں . انہوں نے کہا کہ اپنی حالیہ کارروائیوں میں نیب ان افراد کو قانون کے کٹہرے میں لایا جن کو ماضی میں کوئی پوچھ بھی نہیں سکتا تھا . اپنی گفتگو میں چیئرمین نیب کا کہنا تھا کہ اس وقت 93 میگا کرپشن کیسز ایسے ہیں جو متعلقہ احتساب کیسز میں زیرسماعت ہیں . جسٹس ریٹائرڈ جاوید اقبال کے مطابق نیب کی جانب سے 179 میگا کرپشن کیسزمیں سے 66 کو منطقی انجام تک پہنچا دیا گیا ہے . بدعنوانی پر بات کرتے ہوئے ان کا کہنا تھا کہ بدعنوانی تمام مسائل کی جڑ ہے . انہوں نے کہا کہ بدعنوانی سے نہ صرف سماجی و معاشی ترقی متاثر ہوتی ہے بلکہ دنیا بھر کے ممالک بھی متاثرہوتے ہیں . جاوید اقبال کا کہنا تھا کہ نیب نے اپنی کارکردگی میں مزید بہتری کے لیے مانیٹرنگ اورمعیاری مقداری نظام وضع کیا ہے . اجلاس سے خطاب میں انہوں نے بتایا کہ نیب نے تمام علاقائی بیوروز میں وٹنس ہینڈلنگ سیلز بھی قائم کیے ہیں . چیئرمین نیب نے اجلاس کی صدارت کرتے ہوئے نیب کی کارکردگی سے متعلق جائزہ لیا، ان کا کہنا تھا کہ نیب کی جانب سے مؤثر پیروی کے ذریعے گزشتہ 4 سال میں احتساب عدالتوں نے 1194 ملزموں کو سزائیں سنائی ہیں جبکہ جبکہ 179 میگا کرپشن کیسز میں سے 66 کیسز کو منطقی انجام تک پہنچایا گیا ہے . . .
