منی بجٹ پاس ہو گیا تو حکومت عوام کی اسمبلی میں ہار جائے گی

اسلام آباد (قدرت روزنامہ)سینئر تجزیہ کاروں کا کہنا ہے کہ منی بجٹ پاس ہو گیا تو حکومت عوام کی اسمبلی میں ہار جائے گی . جیو ٹی وی کے پروگرام رپورٹ کارڈ میں گفتگو کرتے ہوئے سینئر تجزیہ کاروں نے کہا کہ اپوزیشن حکومت کو ٹف ٹائم دے دیا نہیں عوام اصل ٹف ٹائم دے گی، حکومت منی بجٹ پاس کروانے میں کامیاب ہو جائے گی لیکن اس کی کامیابی نہیں ہو گی .

اپوزیشن اتنی نکمی ہے کہ اُسے صحیح معنوں میں اپوزیشن نہیں کہا جا سکتا . حکومت مشکل میں ہے لیکن ابھی بھی ایک صفحہ انجوائے کر رہی ہے . عمران خان اس زعم میں مبتلا ہیں کہ ان کا کوئی متبادل نہیں ہے . دوسری جانب وفاقی وزیر خزانہ شوکت ترین نے کہا کہ مالیاتی ضمنی بل سے عوام پربوجھ کی باتیں بے بنیاد ہیں،فنانس ترمیمی بل پر قیاس آرائی ہے، آئی ایم ایف کہتا ہے سب پر سیلز ٹیکس لگائیں، 70ارب روپے کے ٹیکس چھوٹ میں لگڑری آئٹم شامل تھے،بل میں343ارب روپے کی ٹیکس چھوٹ پرنظرثانی کی گئی ہے،پرانے کپڑوں پربھی ٹیکس نہیں لگے گا .

انہوںنے کہاکہ ایوان میں اتنا واویلا مچایا گیا، صرف2ارب ٹیکس چھوٹ ختم ہونے سے کونسا طوفان آجائے گا . شوکت ترین نے کہا کہ عام آدمی پرصرف2ارب کے ٹیکس لگنے ہیں، آئی ایم ایف کے ساتھ بڑی لڑائی ہوئی، ہم نے کہا جوٹیکس دیتا ہے ان پرمزید ٹیکس نہیں لگائیں گے،اسٹیٹ بینک کے بورڈ کی صدرمنظوری دیں گے، اسٹیٹ بینک اب پارلیمنٹ کی اسٹینڈنگ کمیٹی کوبھی جوابدہ ہوگا اور ہم نے توپارلیمنٹ کوخودمختاری دی ہے .
وفاقی وزیر خزانہ نے کہا کہ ہم نے کوئی ایسی حرکت نہیں کی جس پرغریب آدمی پربوجھ پڑے، پی ٹی آئی کے منشورمیں شامل ہے اداروں کوخودمختاری دی جائے، آئی ایم ایف نے کہا اسٹیٹ بینک کوبری طرح ٹریٹ کیا جاتا ہے، آئی ایم ایف نے کہا جوبھی حکومت آتی ہے اسٹیٹ بینک سے قرضے لے لیے جاتے ہیں، قرضے لینے سے مہنگائی بڑھتی ہے، اڑھائی سال ہوگئے ہیں ہماری حکومت نے اسٹیٹ بینک سے ایک پیسہ قرض نہیں لیا، یہ کہنا کہ اسٹیٹ بینک کی خودمختاری کمپرومائزہوجائے گی اور اسٹیٹ بینک مادر پدرآزاد ہوگا تو ایسا کچھ نہیں ہوگا بلکہ بینک کی اتھارٹی بورڈ کے پاس ہوگی .