سٹیل کی قیمتوں میں بھی اضافہ کر دیا گیا

کراچی(قدرت روزنامہ)آئرن اینڈ اسٹیل مرچنٹس ایسوسی ایشن کے صدر حماد پونا وال نے بتایاکہ مقامی اسٹیل سازوں نے اسٹیل کی قیمتیں بڑھا دی ہیں . تفصیلات کے مطابق آئرن اینڈ اسٹیل مرچنٹس ایسوسی ایشن کے صدر حمادپوناوالا نے کہاکہ کولڈ رولڈ اسٹیل کی فی ٹن قیمت 3000 روپے بڑھ کر 242000 روپے ہوگئی ہے .

انہوں نے بتایا کہ جستی اسٹیل کی فی ٹن قیمت 3000 روپے بڑھا کر 251000 روپے کردی گئی ہے . حماد پونا والا نے بتایا کہ قیمتوں میں اضافے کا اطلاق 21 فروری 2022 سے کردیا گیا ہے . اسٹیل مصنوعات کی بلند قیمتوں سے کاروبار شدید متاثر ہوا ہے . تعمیراتی سریے

کی مل قیمت 195000 ہزار روپے ہوچکی ہے . انہوں نے کہا کہ نسلہ ٹاور کے بعد کراچی میں تعمیراتی سرگرمیاں معدوم ہوچکی ہیں جبکہ ڈیوٹیز کے معاملات سے کاروبار الگ متاثر ہے .