گالفر چارلے ہل اور گرین میک ڈوول کی پاکستان کی تعریف

آئرلینڈ (قدرت روزنامہ)انگلش خاتون گالفر چارلے ہل کاکہناہے کہ پاکستان آکر بہت خوش ہوں، آئرلینڈ کے پروفیشنل گالفر گرین میک ڈوول نے بھی پاکستان کی تعریف کی ہے . خاتون گالفر چارلے ہل نے کہا کہ پاکستانی گالفرز کے ساتھ کھیل کر بہت اچھا لگا .

انہوں نے کہا کہ دوبارہ بلایا گیا تو ضرور پاکستان آکر کھیلنا چاہوں گی . اس موقع پر آئرلینڈ کے پروفیشنل گالفر گرین میک ڈوول نے کہنا تھا کہ پہلی بار پاکستان آیا بہت اچھا لگ رہا ہے،پاکستانی ملنسار اور محبت کرنے والے ہیں .
گرین میک ڈوول نے کہا کہ اپنا بہترین وقت یہاں گزار رہا ہوں، پاکستانی پلیئرز کا کھیل سے جذبہ اور جنون قابل دید ہے . انہوں نے مزید کہا کہ جلد پاکستان کے گالفرز دنیا میں اپنا نام بنائیں گے .