(قدرت روزنامہ)کوئٹہ میں پولیس موبائل کے قریب دھماکا کے نتیجے میں 3 افراد جاں بحق اور 25 زخمی ہوگئے، 6 کی حالت نازک ہے .
ڈی آئی جی کوئٹہ فدا حسن کے مطابق دھماکا دیسی ساختہ بم کا تھا، جس میں ڈھائی سے تین کلو دھماکاخیز مواد استعمال کیا گیا .
ڈی آئی جی کوئٹہ کے مطابق دھماکا پولیس موبائل کے گزرتے وقت ہوا .
ریسکیو ذرائع کے مطابق فاطمہ جناح روڈ دھماکے کے زخمیوں کو سول اسپتال منتقل کردیا گیا .
پولیس کے مطابق دھماکے کے بعد قریبی دکانوں میں آگ لگی تھی، جس کے بعد فائر بریگیڈ کو فوری طلب کرلیا گیا .
ایم ایس سول اسپتال کوئٹہ کا کہنا ہے کہ اسپتال میں ایمرجنسی نافذ کردی گئی ہے .
. .